Bul qujat Qazaqstanda jeke kásipkerlikti damytýǵa qoldaý kórsetý maqsatynda seriktestik qarym-qatynastar ornatý men uzaqmerzimdi, ózara tıimdi yntymaqtastyqty damytýdy kózdeıdi.
Kelisim aıasynda «Damý» qorynyń qoldaýymen ShOB sýbektilerin jáne basqa da jeke kásipkerlik jobalaryn qoldaýǵa baǵyttalǵan ınvestısııalyq jobalarǵa, onyń ishinde EDB-ǵa múshe memleketterde qurylǵan kompanııalardyń qatysýymen júzege asyrylatyn jobalarǵa EDB qatysýy kózdelgen.
Sondaı-aq, shaǵyn jáne orta bıznes jobalaryn Damý qorymen birlesip iske asyrý maqsatynda QR Ulttyq Bankimen EDB-nyń teńgelik ótimdiligin qamtamasyz etý máseleleri qosa talqylanady.
Oǵan qosa EDB-ǵa múshe memleketterdiń ekonomıkasynyń jeke sektoryn damytýǵa yqpal etetin áleýetti ınvestısııalyq múmkindikterin, «Damý» qory men EDB-nyń strategııalyq maqsattaryn zertteý qosa qarastyrylady.
«EDB jeke kásipkerlikti damytýǵa jáne ShOB salasynda ınvestısııalyq jobalardy iske asyrýǵa qarjylyq qoldaý kórsetý múmkindikterin qarastyrýǵa daıyn. Shaǵyn jáne orta bıznesti qoldaý – bul memlekettik ekonomıkanyń turaqty damýyna yqpal etetin eń tıimdi quraldardyń biri dep esepteımiz», – dedi EDB Basqarma Tóraǵasy A.Belıanınov.
«Bul memorandýmǵa qol qoıý Qazaqstandaǵy jeke kásipkerlikti qoldaý men damytý maqsatyndaǵy jumystarymyzǵa oń áserin tıgizedi. Jaqyn ýaqytta biz ózara tıimdi naqty jobalar men baǵdarlamalardy júzege asyrýǵa kirisemiz», – dedi «Damý» qorynyń Basqarma Tóraǵasy A.Sarqulov.
Aınash ESALI,
«Egemen Qazaqstan».
ALMATY
