Jıynǵa Qazaqstan Respýblıkasynyń Premer-Mınıstriniń birinshi orynbasary Asqar Mamın, Reseı Federasııasynyń vıse-premeri Iýrıı Trýtnev, Tatarstan Respýblıkasynyń Prezıdenti Rýstam Mınnıhanov, QR-nyń Reseıdegi Tótenshe jáne О́kiletti Elshisi Imanǵalı Tasmaǵambetov jáne 150-ge jýyq reseılik jáne halyqaralyq ınvestor qatysty.
Qor basshysy reseılik jáne halyqaralyq iskerlik qaýymdastyq ókilderine «Samuryq-Qazyna» ulttyq ál-aýqat qory aktıvteriniń ınvestısııalyq múmkindikterin tanystyrdy. Ol óz sózinde 2022 jylǵa deıin IPO-ǵa Qordyń 6 kompanııasyn, olardyń ishinde úsheýin – «Qazatomónerkásip», «Eır Astana» jáne «Qazaqtelekom» bıylǵy jyly shyǵarý josparda bar ekenin atap ótti.
«Samuryq-Qazyna» qory quny 74 mlrd AQSh doll. quraıtyn Qazaqstannyń joǵary sapaly aktıvteriniń eń iri portfeline ıe jáne olar ekonomıkanyń ártúrli salalaryn qamtıdy. Jekeshelendirý baǵdarlamasy bizdiń kompanııalarǵa tıimdi kapıtal salýdy júzege asyrýdyń múmkindigin usynady. Bıyl 50 aktıvtiń jekeshelendirilýin aıaqtaýdy josparlap otyrmyz. Olardyń arasynda ekonomıkanyń túrli salalarynda jumys isteıtin iri, ortasha jáne shaǵyn kompanııalar da bar. Aldaǵy ýaqyttaǵy mindet – bizdiń kompanııalardyń tıimdiligin arttyrý, portfeldi tıimdi basqarý jáne turaqty damýdy qamtamasyz etý. Bul basty maqsattar Qordy damytýdyń 2028 jylǵa deıingi jańa strategııasynyń negizine aınalyp otyr», - dep atap ótti Ahmetjan Esimov.
Áleýetti ınvestorlar jekeshelendirý baǵdarlamasyna jáne IPO úlken qyzyǵýshylyq tanytty. Sonymen birge strategııalyq ınvestorlarǵa satylatyn «Samuryq-Energo» jáne «Taý-Ken Samuryq» sııaqty iri kompanııalar olardyń nazarynan tys qalmady. Onyń birinshisi elektr qýatyn óndirý, jetkizý jáne júzege asyrý boıynsha tolyq sıkldy qamtyǵan energetıkalyq holdıng bolyp tabylady. Qazaqstandaǵy elektr qýatynyń 30% jýyǵyn «Samuryq-Energo» óndiredi. Onyń jeke kómir resýrs qory eldegi energetıkalyq kómir óndirisiniń 40% jýyǵyn quraıdy. «Taý-Ken Samuryq» kompanııasy myrysh, qorǵasyn, mys, temir rýdasy jáne altyn sekildi metaldar boıynsha ıgerýdiń ártúrli satylaryndaǵy jobalardy júzege asyrady.
Sonymen qatar «QazMunaıGaz» jáne «Qazaqstan temir joly» ulttyq kompanııalary da ınvestısııalyq tartymdy bolyp tabylady.
«Biz osy jobalarǵa strategııalyq seriktesterdi tartý boıynsha belsendi jumys júrgizemiz. Olar úshin memleket tarapynan, salyqtyq jeńildikti jáne ınfraqurylym salýdy qosa alǵanda, barlyq jaǵdaı jasalǵan. Bizde agrohımııa klasteri qurylǵan. Onda qazir TMD naryǵynda joq glıfosat jobasy iske asyrylyp jatyr. Bul rette Reseı men Qazaqstan agrarııleriniń ortaq qyzyǵýshylyǵy bar dep oılaımyn jáne osy jobany birlese júzege asyrsaq jaqsy bolar edi»,- dep qorytyndylady A.Esimov.
«Samuryq-Qazyna» AQ-nyń Peterbor halyqaralyq ekonomıkalyq forýmyndaǵy Investor kúni aıasynda sheteldik ınvestorlarmen birqatar kelisimge qol qoıyldy. «Birikken hımııalyq kompanııa» JShS jáne eń iri gaz óńdeý jáne munaı-hımııa kompanııasy «SIBÝR Holdıng» JAQ (Reseı) Polıpropılen jobasynda (Atyraý oblysynda ıntegrasııalanǵan gaz-hımııa kesheniniń qurylysy) úlesti satyp alýǵa kelisti, «Qazaqstan temir joly» UQ» AQ men «Remlokomotıv» AQ (Reseı) «Tulpar-Talgo» JShS-niń jarǵylyq kapıtalyndaǵy kompanııanyń qatysý úlesi týraly memorandýmǵa qol qoıdy. Sondaı-aq, «Samuryq-Qazyna» AQ men «SAP» kompanııasy (Germanııa) arasynda memorandýmǵa qol qoıyldy.
