Kilemge úsh salmaq kategorııasynda - 80, 90 jáne 90 kg-nan astam - 48 sportshy qatysty, ıaǵnı QR IIM TJK, QAJD, Ulttyq gvardııa, MKQB, Almaty men Astana qalalarynyń IID-niń qyzmetkerleri boz kilemde kezdesti.
Jalpykomandalyq júldeli oryndy Soltústik Qazaqstan oblysynyń palýandary jeńip aldy. Al, mańǵystaýlyq polıseı palýandar kilemde sporttyq sheberlikterin kórsetip, ekinshi oryndy ıelendi. Mysaly, jeke esepte Ashat Amanov Mańǵystaý oblysynyń qorjynyna kúmis medal alyp berdi. Týrnırde úshinshi oryndy Qazaqstan Respýblıkasynyń Ulttyq gvardııasynyń sportshylary aldy.
Bul vedomstvolyq sporttyq shara Qazaqstan Respýblıkasy Ishki ister mınıstrligi qyzmetkerleriniń dene tárbıesi daıarlyǵy deńgeıin arttyrý jáne jaýyngerlik daǵdylaryn damytý úshin, sondaı-aq quqyq qorǵaý organdarynda qazaq kúresin nasıhattaý men taratý jáne Qazaqstan Respýblıkasy Ishki ister mınıstrliginiń túrli bólinisteri qyzmetkerleriniń arasynda dostyq qarym-qatynasty nyǵaıtý úshin uıymdastyryldy.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
