Sonymen qatar, Qazaqstan Prezıdenti telekópir rejiminde oblystyń Aıagóz jáne Zyrıan aýdandaryndaǵy ınsýlttik ortalyqtardyń ujymdarymen áńgimelesti.
Elbasy shalǵaı eldi mekenderde medısınalyq ortalyqtar salý maqsatymen memleket tarapynan atqarylyp jatqan jumystardyń nátıjelerine toqtaldy.
Memleket basshysy júrek-qan tamyry aýrýlaryn emdeý sapasyn jaqsartýdyń jáne bala men ana óliminiń aldyn alýdyń mańyzdylyǵyn atap ótti.
– Qazaqstannyń árbir oblysynda júrek-qan tamyry aýrýlarynan qaıtys bolatyndardyń sanyn azaıtý maqsatymen júrekke ota jasaıtyn medısınalyq ortalyqtar salyndy. Qazirgi ýaqytta ólim-jitim kórsetkishin tómendete aldyq, – dedi Qazaqstan Prezıdenti.
Sonymen qatar, Nursultan Nazarbaev salamatty ómir saltyn nasıhattaý arqyly túrli aýrýlardyń aldyn alý qajettigin aıtty.
– Bizdiń densaýlyǵymyzdyń 10-15 paıyzy ǵana dárigerler men medısınaǵa, qalǵany ózimizdiń ómir súrý saltymyzǵa baılanysty. Bolashaq náresteniń densaýlyǵy ananyń densaýlyǵyna baılanysty ekenin túsindirý qajet, – dedi Memleket basshysy.
Memleket basshysy densaýlyq saqtaý salasyndaǵy robottandyrylǵan hırýrgııa júıeleriniń tıimdiligine toqtaldy.
Osyǵan oraı Elbasy medısına salasyndaǵy kadrlardy sapaly daıarlaýdy qamtamasyz etýdiń qajettigin de atap ótti.
Sońynda Qazaqstan Prezıdenti ortalyqtyń qyzmetkerlerine jáne emdelýshilerge zor densaýlyq pen tabys tiledi.
