Atalǵan qujat eki bank arasyndaǵy erikti qaıta uıymdastyrý aıasynda Qazkommersbanktiń búkil quqyqtary men mindettemelerin Halyq bankine berýin bildiredi.
«Qazaqstannyń Halyq banki» AQ basqarma tóraǵasy Úmit Shaıahmetovanyń aıtýynsha, bul prosess bir jarym jylǵa sozylǵan.
«Halyq banki men Qazkommersbanktiń biryńǵaı tehnologııalyq platformaǵa ótýi boıynsha búkil sharalar josparǵa saı aıaqtaldy. Halyq bankiniń jáne Qazaqstannyń búkil qarjy júıesiniń tarıhynda jańa kezeń bastaldy», - deıdi ol.
Habarlanǵandaı, Tabystaý aktin bekitý týraly sheshim 2018 jyldyń 26 shildesinde Halyq banki aksıonerleriniń kezekten tys jalpy jınalysynda, Qazkommersbank aksıonerleriniń kezekten tys jalpy jınalysynda jáne Qazkommersbank jáne Halyq banki aksıonerleriniń birlesken jalpy jınalysynda qabyldandy.
Budan bólek, Halyq banki men Qazkommersbank barlyq qajetti tehnologııalyq jumystardy aıaqtady. Sonyń nátıjesinde Qazkommersbank pen Halyq bankiniń klıentterine endi Halyq bankiniń barlyq fılıaldary men bólimshelerinde qyzmet kórsetiledi. Kazkommersbanktiń enshiles uıymdary Halyq bankiniń enshiles uıymdary bolady.
