Ult kóshbasshysynyń «Rýhanı jańǵyrý» baǵdarlamalyq maqalasy men «Astana – ınnovasııalar qalasy» strategııasy qaǵıdalaryn iske asyrýda «Hilton Astana» oteliniń alańynda Astana qalasy ınvestısııa jáne kásipkerlikti qoldaý basqarmasy MB men halyqaralyq bıznes ınkýbatorlary «Seedstars» jáne «BI Property» JShS arasynda áriptestik týraly memorandýmǵa qol qoıyldy.
Kelisim sheńberinde qatysýshy kompanııalar salǵan ınvestısııanyń arqasynda Astana qalasynda adam kapıtalyn damytý úshin biregeı alań qurylady, onda qalanyń árbir turǵyny keremet tájirıbe alyp, jańa tehnologııa salasynda jeke jobasyn iske asyra alady jáne jastardyń áleýetin damytýǵa basymdyq beriledi.
«Úlken qalalardyń tájirıbesi kórsetkendeı jahandyq qalalardyń tepe teń damýy kreatıvi joq ındýstrııasyz múmkin emes – ol sıfrly tehnologııa, sáýlet jáne dızaın, zamanaýı medıa, óner men mádenıet. Sol sebepti, biz kreatıvti klasterdiń negizin qalyptastyratyn Qalalyq ınnovasııalyq alań qurmaqpyz. Munda astananyń ınnovasııalyq ekojúıesi qalyptasady», - dedi Astana qalasynyń ákimi Áset Isekeshev.
Qalalyq ınnovasııalyq alań qurý startap-jobalardy damytý úshin keń múmkindikti ashady jáne halyqaralyq deńgeıde tájirıbe almasýǵa, sondaı-aq jańa kásipkerler býyny men sıfrly nomadtardy qalyptastyrýǵa múmkindik beredi. Ol úshin alań rezıdentinde mentorlardyń aýqymdy jelisi, konsýltanttar, tehnıkalyq mamandar, bıznes-perishteler men ınvestısııalyq jobalarǵa barynsha qoljetimdilik usynylady.
Atalmysh alańnyń ereksheligi mynada, árbir qazaqstandyq ázirleýshiniń aldynda IT-tehnologııasy salasyndaǵy álemdik tendensııaǵa qoljetimdi múmkindik ashylady. Bul «Seedstars» basqaratyn TMD kólemindegi birden bir kovorkıng-ortalyq bolmaq.
Halyqaralyq bıznes-ınkýbatordyń seriktesteriniń biri Devıd Dekombes «ortalyqta álem boıynsha 70 myńnan astam startaper, kásipker men ınvestorlar bar. Jobaǵa qosylǵannan keıin Astana da biryńǵaı jeliniń bólshegine aınalyp, tájirıbe almasýǵa jáne tehnologııanyń damýy úshin ózine úlken múmkindikter ashatynyn» aıta ketti.
Alańda 14 kovorkıng-keńse qarastyryldy jáne de kolıvıng aýmaǵynan tehnıkalyq sheshimderdi ázirleý úshin jáne qalalyq tapsyrmalardy sheshýge baǵyttalǵan mobıldi qosymshalardy iske qosýǵa yńǵaıly 14 oryndyq qarastyryldy.
«Bul ınnovasııalyq ázirleýshiler ýaqytty birge ótkizip, tájirıbe almasýǵa, jobany talqylaý úshin jasalyp jatqan keńistik. Iаǵnı tiri zerthana, ol jerde qala tirshiliginiń árbir salasynda transporttan TKSh deıin qolaıly jańa sheshimder jasalady.
Qatysýshylarǵa qoıylatyn basty krıterıı – ınnovasııalyq, tehnologııalyq ónim jasaý. Jobany iske asyrý eń birinshi astanada, ári qaraı búkil Qazaqstanǵa baǵyttalady. Odan basqa, ortalyqtyń jumysy qala ekonomıkasyna oń yqpalyn tıgizip, bolashaqta halyqaralyq arenaǵa shyǵýy múmkin», - dep túsindirdi Innovasııalyq ekojúıeni damytý ortalyǵynyń bas menedjeri Jasulan Kenjeǵalıev.
Qazirgi tańda «BI Property» kompanııasy «Hilton Astana» oteliniń terrıtorııasynda jobany iske tolyqtaı qosý úshin keńse daıyndaýda. Jóndeý jumystary osy jyldyń 1 jeltoqsanyna deıin aıaqtalady.
