– Sary qurlyq birinshiligine 1,5 aıdaı tyńǵylyqty daıyndaldyq. Shyny kerek, dúbirli dodaǵa baramyz dep oılaǵan joqpyz. Birinshi orynǵa kóterilgenimizge óte qýanyshtymyn. Bizde Iаroslava 10 jyldaı, al Kırıll 7 jyl jattyǵady», – deıdi «Savanser» horeografııalyq mektebiniń jattyqtyrýshysy Iýlııa Shırına.
Bıshilerdiń sózine qaraǵanda 24 eldiń arasynan qara úzip shyǵa ońaıǵa soqpaǵan kórinedi. Degenmen, tamasha óner kórsetken olar eýropalyq baǵdarlama boıynsha 5 bı bılep, eń kúshti sanalatyn qytaılyq, japondyq, gongkongtyq qarsylastaryn shań qaptyrǵan. Kırıll Novıkovtyń aıtýynsha, chempıonat joǵary deńgeıde uıymdastyrylǵan. Jeńisterine birazǵa deıin sene almaǵan. Jarys ıaqtalǵan soń kelesi kúni taıfýn bastalypty. 18-35 jas aralyǵynda álemniń ár qıyrynan jınalǵan myń buralǵan bıshilermen básekelesip, 2 sıngl boıynsha altyn júldeni qorjynǵa salǵan.
Endigi maqsat– qarasha aıynda Avstrııada ótetin álem chempıonatynda oljaly bolý.
О́mir ESQALI
«Egemen Qazaqstan»
Soltústik Qazaqstan oblysy
