Ishki ister basqarmasy qurylǵan kúnnen bastap quqyq qorǵaý salasynyń jumysynda birizdilikti, tártipti, júıelilikti qalyptastyratyn aqparattyq qyzmetti qajetsindi. Bir ǵasyr boıy quqyq qorǵaý organdarynyń barlyq bólimderinde aqparattyq-saraptaý isi qalyptasty, qazir olar aqparattyq-saraptaý ortalyqtaryna aınalǵan. Ádette, polısııanyń negizgi salmaǵyn erler atqaratyny belgili. Sonymen qatar, polısııanyń kóptegen jumystary pogon taqqan áıelder qolynda.
«Men on jyldan beri Qostanaı qalalyq ishki ister basarmasynyń Aqparattyq-saraptaý ortalyǵyn basqaryp kelemin. Bul bólimdegi tájirıbe qyzmetkerden qyzmetkerge berilip otyrady. Esep, naqty aqparattardy júıelep otyrý jalpy polısııa jumysynyń jaqsarýyna yqpal etedi», – deıdi Altynaı Esmaǵambetova.
Qyzmettiń 100 jyldyǵyna oraı oblysta aqparattyq-saraptaý ortalyqtary qyzmetkerleri arasynda «Mamandyǵynyń úzdigi» atty baıqaý ótti. Qostanaı qalalyq ishki ister basqarmasy ortalyǵynyń qyzmetkerleri oblystyq baıqaýda úshinshi oryndy jeńip aldy.
Názıra Járimbet,
«Egemen Qazaqstan»
Qostanaı
