Sonymen qatar, fılıaldyń ashylý saltanatynda Prezıdent janyndaǵy Memlekettik basqarý akademııasynyń rektory Fatıma Jaqypova jáne Almaty, Qyzylorda, Túrkistan oblystary men Almaty, Shymkent qalalarynyń aýmaqtyq departamentteriniń basshylary da boldy. Alık Shpekbaev óz sózinde Memlekettik basqarý akademııasynyń óńirlerdegi fılıaldarynyń ashylýy elimizdegi memlekettik qyzmetshilerdiń damýyna aıtarlyqtaı úles qosatynyn aıtyp ótti.
Taraz qalasynda ornalasqan Akademııa fılıaly elimizde memlekettik qyzmetkerlerdi oqytýdyń biryńǵaı júıesin qurý sheńberinde ashylǵan bolatyn. Sonymen qatar, atalmysh fılıal óńirdegi memlekettik qyzmetshilerdiń biliktiligin arttyrýǵa arnalǵan. Orta eseppen alǵanda, fılıal bazasynda oblystaǵy memlekettik organdardyń eki myńǵa jýyq qyzmetkeri qaıta daıarlanyp, biliktiligin arttyra alady. Akademııa fılıaly memlekettik basqarýdaǵy jobalyq basqarýdy qoldaný boıynsha da konsýltasııalyq qyzmetter kórsetedi. Bul maqsatta qajetti ınfraqurylym men pedagogıkalyq áleýet qarastyrylǵan.
Budan keıin Agenttik Tóraǵasynyń Jambyl oblysyna issapary Taraz qalasyndaǵy birqatar nysandarda jalǵasady.
Hamıt ESAMAN,
«Egemen Qazaqstan»
Jambyl oblysy
