2018 jyldyń 15 qyrkúıeginde «Áleýmettik medısınalyq saqtandyrý qory» kommersııalyq emes aksıonerlik qoǵamy Atyraý oblysy boıynsha fılıaly jyl saıynǵy halyqty emhanalarǵa tirkeý naýqanyn bastady.
Oblys boıynsha 624 myń adam emhanalarda tirkeýde tur. О́tken jylǵy tirkeý nátıjesinde 1725 adam ishki tirkeýge tursa, basqa óńirlerden kelgen 579 adam emhanalarǵa tirkeldi. Qazirgi tańda halyqqa yńǵaıly jaǵdaı jasalǵan. Ár azamat óz erki boıynsha emhana tańdaý quqyǵyna ıe. Atalǵan tirkeý naýqanynda emhanada tirkelmegen turǵyndar tirkeýge turyp, jumys orny,turǵylyqty jeri nemese oqý ornyn aýystyrǵan azamattar emhanany aýystyra alady. Turǵylyqty meken-jaıyna jaqyn ornalasqan emhanaǵa tirkelý turǵyndar úshin de, dárigerler úshin de qolaıly bolady. Turǵyndardan naýqanǵa belsendi qatysýlaryn suraımyz,- deıdi fılıal dırektory Baıtolla Ǵazızov.
Oblysta qosymsha ýchastkelik emhanalar sany artqan. Oblystyq Densaýlyq saqtaý basqarmasynyń basshysy Mánshúk Aımýrzıevanyń aıtýynsha, jańa ýchastkelerdiń ashylýy óte tıimdi.
Zań boıynsha bir tájirıbeli dáriger esebinde turatyn halyq sany 1700-den aspaýy kerek. О́tken jyly oblys boıynsha bir tájirıbeli dárigerge 2560 adamnan kelse, búginge deıin jańa bólimsheler ashylyp, tirkelgen adam sanyn 2200-ge túsirdik. Jyl sońyna deıin taǵy 35 dárigerlik bólimsheni ashýdy josparlap otyrmyz. Nátıjesinde 1 dárigerge 1850 adamnan tirkeletin bolady,- deıdi basqarma basshysy.
Emhanaǵa tirkeýdiń úsh túrli joly bar:
- tańdap alǵan emhanaǵa tikeleı barý,
- elektrondy úkimet portaly arqyly onlaın rejıminde,
- Halyqqa qyzmet kórsetý ortalyqtaryndaǵy Connection point bólimi arqyly.
Emhanalarǵa tirkelý úshin turǵyndar jeke tól qujaty men emhananyń bas dárigeri atyna ótinishin tapsyrady. Al, ózi tańdaǵan emhanaǵa aýysqysy keletinder úshin jeke kýálik jetkilikti. Basqa qalalardan nemese memleketten kelgender úshin burynǵy tirkeý ornynan anyqtama talap etiledi.
