Qazaqstan áý bastan Ortalyq Azııadaǵy ınnovasııaǵa eń jaqyn, qazirgi zamannyń progressıvti tehnologııalaryn keńinen paıdalanǵan, jańalyqtan qashpaǵan, eski túsinikterden erterek qutylýǵa áreket jasaǵan el ǵoı. Sondyqtan búgingi kúni bizdiń óńirdegi tanymal, jyldam ósip kele jatqan kóshbasshy elge aınaldy. Qazaqstannyń osy óńir ǵana emes, búkil dúnıe júzine jaqsy atymen, zor bedelimen, pozıtıvti ımıdjimen tanylǵan memleket ekenin eshkim joqqa shyǵara almaıdy. Sol zor elaralyq bedel Qazaqstannyń eń negizgi baǵa jetpes baılyǵy, keleshekte úlken tabystardy alyp keletin resýrsy dep aıtar edim.
Igi dástúr bıylǵy jyly da jalǵasyn tapty. Qazaqstan lıderi Nursultan Nazarbaevtyń jaqynda halyqqa arnaǵan Joldaýyn men qazaq memleketiniń tarıhyndaǵy jańa kezeń, jańa bir dáýirdiń bastalýy dep qabyl aldym. Basqasyn aıtpaǵanda Elbasynyń negizgi basymdyq qatarynda áleýmettik salany, adamı resýrstardy ataǵany maǵan erekshe áser etti. Ǵylym men bilim, jańa zamanaýı tehnologııalardy turmysta keńinen paıdalaný, sol salada isteıtin adamdardyń aılyq jalaqysyn aıtarlyqtaı kóterý sııaqty máseleler bir týǵan qazaq halqynyń órkendeı berýine jol salmaq.
Árıne, bul baǵytta Qazaqstanda budan buryn da orasan zor jumystar jasalyp, birqatar elaralyq deńgeıleri joǵary ýnıversıtetter, oqý oryndary, akademııalar ashylǵan bolatyn. Aldaǵy kúnderi budan da aýqymdy ister júzege asatyny Joldaýda taǵy da atap kórsetilgen eken. Men, máselen kóp jyldar boıy osy áleýmettik salada, sonyń ishinde ǵylym jáne bilim sektorynda eńbek etip kele jatqan adam retinde Nursultan Nazarbaevtyń bul bastamasyna barynsha qýandym.
Qazaqstan basshysynyń bul Joldaýy qazaq halqynyń jańa bir tarıhı kezeńge, jańa bir dáýirge qadam basqanyn anyq kórsetedi der edim.
Qazaq baýyrlar, sizderdiń qaı ýaqytta da artta qalmaı, kerek bolsa aldyǵa oza qadam basýǵa áreket jasaǵandaryńyz – sizderdiń baqyttaryńyz. Laıym sol qadamnan jazbaýlaryńyzǵa tilektespin!
Osmonakýn IBRAIMOV,
Qyrǵyz UǴA korrespondent-múshesi, eks-Memlekettik hatshy
