Osy jyly alǵash ret júzege asqan «English for Jastar» jobasy boıynsha 9 sheteldik jáne 146 qazaqstandyq erikti elimizdiń mektep oqýshylaryna aǵylshyn tilin úıretýge, sóıleý daǵdylaryn damytýǵa kómektesý úshin 2 aıǵa shalǵaı aýyldarǵa attanǵan. Solardyń biri – Amerıkanyń Nıý-Iork qalasynan kelgen Mırıam.
Mırıam balalarǵa tek sabaq úıretip qana qoımaı, aýyldyń qaınaǵan tirshiligine belsene aralasyp júr. Aýyl turǵyndary da ony jıi otbasylyq merekelerge, toıǵa, balyqqa, ekskýrsııalarǵa qatysýǵa shaqyryp turady. Aıta ketý kerek, ol áleýmettik jelilerde de óte belsendi aýylda ótken ár kúnimen ınternet paraqshasynda dostarymen bólisip turady. Sondaı-aq ol bos ýaqytyn jergilikti jattyǵý zalynda ıoga jattyqtyrýshysy retinde ótkizedi.
Mırıam Qazaqstandaǵy oqýshylardyń tártibin erekshe atap ótti: «Oqýshylarym keremet. О́te tárbıeli, bilimge qushtar, sabaqta muqııat tyńdap, kóp nárse úırenýge tyrysady. Kúnde tańerteńnen bastap júzdegen bala qushaqtap rahmetin aıtady. Men úshin eń úlken jetistik osy. Aýyl turǵyndary aqjarqyn, ashyq, óte qonaqjaı. Kelesi jyly da kelýge qarsy emespin».
Sondaı-aq eriktiler qatarynda Garvard ýnıversıtetiniń stýdenti Kennet Palmer de bar. Ol qazir Qaraǵandy oblysynyń Osakarovka aýdanynda oqýshylarǵa aǵylshyn tilin tegin úıretip júr. Odan ózge eriktiler elimizdiń Túrkistan, Aqmola, Aqtóbe, Soltústik Qazaqstan, Qostanaı, Pavlodar, Almaty oblystarynyń aýyldaryna attanǵan.
