Aqtaý qalasyndaǵy Násipqalı Marabaev atyndaǵy №7 mektep lıseıine jáne №3 jalpy bilim berý mektebi kommýnaldyq memlekettik mekemesine, sondaı-aq Nurtas Ońdasynov atyndaǵy № 5 orta mektepke jyljymaly kórmelermen baryp, ekskýrsııalar uıymdastyrdy.
Oqýshylar arasyna «Parasat» qoǵamynyń jetekshisi S.Shapaǵatovqa arnalǵan «Táýelsizdiktiń tar jol, taıǵaq keshýinde», Á.Tuıaqovqa arnalǵan «Aqmyshta týyp, AQSh-ta ozǵan Ámınim», Á.Qasteevke arnalǵan «Beıneleý óneriniń bas tulǵasy» atty jyljymaly kórmeler, mýzeı qorynan zergerlik buıymdar, at ábzelderi, taǵy basqa ulttyq muralardy qamtıtyn etnografııalyq kórme, «Mańǵystaýdyń janýarlar álemi» taqyrybynda qustardyń, janýarlardyń tulyptary aparyldy.
- Kórmeni 700-ge jýyq mektep oqýshylary tamashalady jáne olardyń kórme jádigerlerine qyzyǵýshylyǵy joǵary boldy. Mýzeı ujymy atynan joǵary túsinistikpen qabyldaǵan jáne kórmeni uıymdastyrýǵa qoldaý kórsetken mektep basshylaryna alǵys aıtamyn. Aldaǵy ýaqytta ózge de mektepterge kórme-ekskýrsııalar uıymdastyrý jalǵasyn taba beretin bolady, deıdi mýzeıdiń qoǵammen baılanys menedjeri Álııa Naýshabaeva.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
