Shırek fınal qol bulǵaıtyndaı
Dúısenbi kúni Astananyń «Barysy» bir komandanyń tórt jeńisine deıin sozylatyn Qurlyqtyq hokkeı lıgasynyń pleı-off básekesindegi tórtinshi oıynynda Magnıtogordyń «Metallýrgin» taǵy da 4:1 esebimen jeńip, shırek fınalǵa shyǵýǵa bir taban jaqyndaı tústi. «Metallýrg» sııaqty lıganyń azýly komandasymen bolǵan tórt oıynda úsh ret jeńiske jetip, bir ret qana jeńilý – óte jaqsy nátıje.
Dúısenbi kúni Astananyń «Barysy» bir komandanyń tórt jeńisine deıin sozylatyn Qurlyqtyq hokkeı lıgasynyń pleı-off básekesindegi tórtinshi oıynynda Magnıtogordyń «Metallýrgin» taǵy da 4:1 esebimen jeńip, shırek fınalǵa shyǵýǵa bir taban jaqyndaı tústi. «Metallýrg» sııaqty lıganyń azýly komandasymen bolǵan tórt oıynda úsh ret jeńiske jetip, bir ret qana jeńilý – óte jaqsy nátıje.
Kezdesýde salǵan betten qonaqtar tek jeńis úshin ǵana aıdynǵa shyqqandaryn sezdire bastady. Bul jeńis olarǵa asa qajet edi. Alǵashqy shaıbany soqqandar da solar boldy. Oıynnyń 11-mınótinde Iаkýbovtan pas alǵan Markov Vıtalıı Eremeevtiń qaqpasynan sańlaý taba bildi. Sodan keıin «Barys» arada azǵantaı ýaqyt salyp, qarsylastar qaqpasyna lap qoıdy. Sóıtip, manadan beri tasqamal bolyp turǵan fın qaqpashysy Arı Ahonenmen betpe-bet kelgen Boıd esepti teńestirdi. Odan keıin «Barystyń» shabýyly arta tústi. Matchtyń 29 mınótinde Pýshkarev magnıtkalyqtarǵa taǵy bir shaıbany toǵytty.
Al oıynnyń úshinshi kezeńinde Iýnland pen Dallmen bir-bir shaıbanyń avtory atandy. О́ziniń osy golynan keıin Dallmen qolyndaǵy taıaǵyn tastap, komandalastarynyń qushaǵyna kirip ketti. Bul «Barystyń» jeńiske jetkeniniń belgisi edi. Sebebi, oıyn aıaqtalýǵa az-aq ýaqyt qalǵan-tyn.
Búgin astanalyq klýb syrt alańda «Metallýrgpen» besinshi oıynyn ótkizedi. Andreı Shaıanovtyń shákirtterine pleı-offtyń kelesi kezeńine ótý úshin bir jeńis kerek. Qarsylastarymyz úshin – úsh jeńis. «Metallýrgtiń» sheber komanda ekenin eskersek, aldan bárin de kútýge bolady. Sondyqtan báseke taǵdyry sheshilip qoıdy deýge áli erte.
Dastan KENJALIN.
