NATO Parlamenttik Assambleıasynyń kezekti 64-shi sessııasyna depýtattar qatysty

Sessııa barysynda halyq­aralyq qaýipsizdiktiń mańyz­dy máseleleri qaraldy. Talqy­laý­larda Eýropa elderinde ótetin saılaý barysynda syrttan tónetin san alýan qaýipter men olardyń saılaýǵa aralasýyna qarsy turý, ońtústiktegi turaqsyzdyq, Qara teńiz óńirindegi demokratııa men adam quqyqtaryna kómektesý, Qıyr Soltústik pen Jerorta teńi­zinde azamattardy qorǵaý, Sol­tústik Koreıanyń ıadrolyq baǵdar­lamasy, Alıanstyń ǵylymı-teh­nologııalyq artyqshylyqtary, Batys Balqandaǵy qaýipsizdik, sondaı-aq NATO-nyń arnaıy jedel kúshteriniń róli máseleleri qozǵaldy. 

Sessııaǵa qatysýshylar Shy­ǵys jáne Ortalyq Eýropadaǵy energetıkalyq qaýipsizdik, saýda halyqaralyq júıesi men ǵarysh salasyn damytýdyń keleshegi jóninde pikir almasty. 

Sessııa aıasynda qazaqstandyq depýtattar Kanada Parlamenti Qaýymdar palatasynyń tóraǵasy Djeff Rıganmen jáne kanadalyq senator, «Kanada-Qazaqstan» dostyq tobynyń teń tóraǵasy Djo­zef Deemmen kezdesti. Kez­desý barysynda depýtattar ekijaq­ty yntymaqtastyqty odan ári joǵary deńgeıge kóterý qajet­tigin, sondaı-aq Qazaqstan men Ka­nada parlamentteri arasyndaǵy baı­lanystardy belsendi júrgi­zýdiń mańyzdylyǵyn atap ótti. 

Sonymen qatar brıtandyq depýtat, Ulybrıtanııa palatasynyń Qazaqstanmen yntymaqtastyq jónindegi partııa tobynyń je­tek­shisi Bob Stıýartpen jáne Túrkııanyń depýtaty Kamıl Aı­dynmen kezdesýler ótti.