Birinshi kezeńdi «Lokomotıv» 1:0 esebimen aıaqtady. 8 mınýtta Egor Averın gol soqty. Úzilisten keıin qonaqtar qatarynan úsh márte mergendik tanytyp, qazaqstandyq jankúıerlerdi bir jelpindirip tastady – 1:3. Bul goldardyń avtorlary – Valerıı Orehov, Kırıll Panıýkov jáne Mettıý Frettın. Biraq bul jaǵdaı jergilikti hokkeıshilerdiń saǵyn syndyra alǵan joq. «Arena-2000-Lokomotıv» sport keshenine jınalǵan 8 myń kórermenniń qoldaýymen damylsyz shabýyldaǵan ıaroslavldikter tórt ret nysanany dál kózdep, kózdegen maqsattaryna qol jetkizdi – 5:3.
Qazirgi kezde «Barys» turaqty birinshilikte 9 oryndy ıelenýde. Osy kúnge deıin 30 kezdesý ótkizgen jerlesterimiz 42 upaıdy qorjynǵa saldy. Endi óziniń kelesi básekesin astanalyq hokkeıshiler 27 qarashada Cherepoveste jergilikti «Severstal» klýbyna qarsy ótkizedi.
Ǵalym SÚLEIMEN,
«Egemen Qazaqstan»
