ACT (Americian College Testing) synaǵyn AQSh oqýshylarynyń kópshiligi joǵary oqý oryndaryna túsý úshin tapsyrady. Bedeldi oqý oryndary ACT-dan 30-36 ball jınaǵan talapkerlerdi qabyldaıdy. Amerıkada test tapsyrǵandardyń 0,1%-y ǵana barlyq 36 suraqqa durys jaýap bergen. Al basqa elderde atalǵan emtıhannan múdirmeı ótkender saýsaqpen sanarlyqtaı. ACT-nyń orta kompozıttik ball kórsetkishi – 21,1.
SAT Subject Test – bul emtıhan AQSh-tyń bedeldi oqý ornyna túsý úshin tapsyrylady. Test oqýshynyń bes baǵyttaǵy bilim deńgeıin óz tańdaýy boıynsha anyqtaıdy. Aqnazar matematıka, fızıka, bıologııa pənderinen test tapsyryp, ər pənnen eń joǵary 800 baldan jınaǵan. Budan ózge oqýshynyń IELTS halyqaralyq emtıhanynan alǵan nətıjesi 8.0-di kórsetti.
Aqnazardyń biregeı nətıjeleri oqýshynyń əlemdik deńgeıde myqty dep tanylǵan ýnıversıtetterge túsýine jol ashady. Zııatkerlik mekteptiń bolashaq túlegi oqýyn Garvardta jalǵastyrýdy josparlaýda. Ol qazirgi tańda qabyldaý komıssııasynyń sheshimin kútýde.
Búginde Aqnazardyń esimi jas talanttardyń arasynda tanymal. Zııatkerlik mektep oqýshysynyń dıplomdar men medaldardan quralǵan kolleksııasy bar. Ol – Jəýtikov jəne Eıler olımpıadalarynyń, Novosibir, Qytaı jəne taǵy basqa jerdegi bilim saıystarynyń jeńimpazy. Aqnazar ǵylymnyń kez kelgen túrinen sırek kezdesetin talantqa ıe. Oqýshynyń jarqyn jeńisteriniń biri Beıjińde ótken S.-T Yau High School Science Awards atty əlemniń kúrdeli olımpıadasyndaǵy jeńisi onyń matematıkadaǵy qabiletiniń joǵary ekenin dəleldedi. 2017 jyldyń jazynda Indonezııada fızıka salasynda ótken halyqaralyq olımpıadada qazaqstandyq výnderkınd taǵy da jeńiske jetti. Bir jyldan soń Aqnazar Qajymurat APHO 2018 HIH Azııa olımpıadasynda altyndy qanjyǵalady. Onda oqýshy marapattaý saltanatyna qatysa almady. Sebebi dəl bul ýaqytta ol AQSh-taǵy Intel ISEF-2018 oqýshylar arasynda ǵylymı jobalar saıysyna qatysyp jatqan edi. Bıyl ol Taılandta ótken Jer týraly ǵylym IESO-2018-de kúmis júldeni ıelendi.
Almaty qalasyndaǵy fızıka-matematıka baǵytyndaǵy Nazarbaev zııatkerlik mektebiniń oqýshysy matematıka boıynsha ǵylymı eýropalyq kongresterdiń, sımpozıýmdardyń qatysýshysy.
