Sebebi tól tarıhymyzǵa qaıta úńilý, ony baıyppen zerttep-zerdeleý, ulttyq bolmysymyzdy qaıta jańǵyrtý, ejelgi mádenıetimizdi qaıta qaraý, barymyzdy baǵamdap, joǵymyzdy túgendeý – memleketimizdiń jan-jaqty damyǵan álemniń ozyq elderimen teń dárejede qatar turýyna múmkindik beredi.
Qazaq dalasy – tarıhta qalǵan ulylardyń altyn besigi bolǵan qasıetti meken. Uly dala talaı ulylardy dúnıege ákelgenin biz jaqsy bilemiz. Elbasynyń «Uly dalanyń uly esimderi» atty oqý-aǵartý ensıklopedııalyq saıabaǵyn ashý ıdeıasy ǵıbratty ǵumyrymen este qalǵan tulǵalarymyzǵa kórsetilgen zor qurmet dep bilemin. «Uly Dala tulǵalary» atty ǵylymı-kópshilik serııalardy shyǵarý ulylardan qalǵan ulaǵatty nasıhattaý men óskeleń urpaqtyń sanasyna sińirý jolynda jasalǵan úlken eńbek bolatyny anyq.
Bizdiń bolashaǵymyz jastar desek, bul maqalada kórsetilgen tyń ıdeıalar men bastamalar jastardyń ósýi men shyǵarmashylyq damýy jolynda mańyzdy ról atqaratyn faktor bolmaq. Osy mazmuny baı tujyrymdamada kórsetilgen tilekterge saı jastarymyz belsendi eńbek etip, qyzmet jasasa, talaı shyńdarǵa jetip, talaı asýlardy baǵyndyratynyna kámil senimdimin.
Rafael NIIаZBEKOV,
aqyn, Qazaqstannyń eńbek sińirgen qaıratkeri
