Qazaqstan Respýblıkasy Úkimetiniń qaýlysy
2018 jylǵy 7 jeltoqsan №811 Astana, Úkimet Úıi
Memlekettik áleýmettik saqtandyrý qorynan tólenetin áleýmettik tólemderdiń mólsherin 2019 jylǵy 1 qańtardan bastap arttyrý týraly
«Mindetti áleýmettik saqtandyrý týraly» 2003 jylǵy 25 sáýirdegi Qazaqstan Respýblıkasy Zańynyń 8-1-babynyń 4) tarmaqshasyna sáıkes Qazaqstan Respýblıkasynyń Úkimeti QAÝLY ETEDI:
1. 2019 jylǵy 1 qańtarǵa deıin Memlekettik áleýmettik saqtandyrý qorynan eńbek etý qabiletinen aıyrylý jáne asyraýshysynan aıyrylý jaǵdaılaryna taǵaıyndalǵan áleýmettik tólemderdiń mólsherin 2019 jylǵy 1 qańtardan bastap alatyn áleýmettik tólemderdiń mólsherinen bes paıyzǵa arttyrý júrgizilsin.
2. Osy qaýly 2019 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń
Premer-Mınıstri B.SAǴYNTAEV
Qazaqstan Respýblıkasy Úkimetiniń qaýlysy
2018 jylǵy 7 jeltoqsan №817 Astana, Úkimet Úıi
«Qazaqstan Respýblıkasy aýmaǵynda ýaqyt esepteý tártibi týraly» Qazaqstan Respýblıkasy Úkimetiniń 2000 jylǵy 23 qarashadaǵy №1749 qaýlysyna ózgeris pen tolyqtyrý engizý týraly
Qazaqstan Respýblıkasynyń Úkimeti QAÝLY ETEDI:
1. «Qazaqstan Respýblıkasy aýmaǵynda ýaqyt esepteý tártibi týraly» Qazaqstan Respýblıkasy Úkimetiniń 2000 jylǵy 23 qarashadaǵy №1749 qaýlysyna (Qazaqstan Respýblıkasynyń PÚAJ-y, 2000 j., №49-50, 575-qujat) mynadaı ózgeris pen tolyqtyrý engizilsin:
3-tarmaq mynadaı redaksııada jazylsyn:
«3. Qazaqstan Respýblıkasynyń aýmaǵy 4-shi jáne 5-shi saǵattyq beldeýlerde ornalasady dep belgilensin. Respýblıkanyń ákimshilik-aýmaqtyq qurylysyna sáıkes saǵattyq beldeýlerdiń shekarasy Aqtóbe oblysy men Qostanaı oblysynyń, Aqtóbe oblysy men Qaraǵandy oblysynyń, Qyzylorda oblysy men Qaraǵandy oblysynyń, Qyzylorda oblysy men Túrkistan oblysynyń arasynda ótedi.»;
Mynadaı mazmundaǵy 3-1-tarmaqpen tolyqtyrylsyn:
«3-1. Qyzylorda oblysynyń ákimdigi 2018 jylǵy 20 jeltoqsannan 21 jeltoqsanǵa qaraǵan túni (saǵat 00:00-de) jergilikti ýaqytty 1 saǵat artqa aýystyrsyn.».
2. Qazaqstan Respýblıkasynyń Aqparat jáne kommýnıkasııalar mınıstrligi Qyzylorda oblysynyń ákimdigimen birlesip, osy qaýly kúshine engen kezden bastap halyqty Qazaqstan Respýblıkasynyń aýmaǵynda ýaqyt esepteý tártibi týraly habardar etsin.
3. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń
Premer-Mınıstri B.SAǴYNTAEV
