Mamandardyń boljamy boıynsha, qundy jádigerler HIII ǵasyrda saltanat qurǵan Altyn Orda dáýirine tıesili bolýy múmkin. Munyń anyq-qanyǵyn bilý maqsatynda materıaldar AQSh jáne Japonııanyń ǵylymı ortalyqtaryna zerthanalyq saraptamaǵa jiberilgen. Onyń qorytyndysy jyldyń sońyna taman belgili bolady.
– Qazan aıynda júrgizilgen qazba jumystary kezinde 2 metr 35 santımetr tereńdikten áıel adamnyń súıekteri shyqty. Tas tabyt, ókinishke qaraı, ýaqyt óte kele qırap qalǵan. Qabir ishinen altynǵa uqsas sary metaldan jasalǵan tostaǵan, áshekeıler – syrǵa men shashqa arnalǵan túıreýish tabyldy. Sondaı-aq, tozǵan mata bólshekteri – altyn jipteri bar jibek jáne bylǵary etik tabyldy, – dedi arheolog, «Halyk kazynasy» ǵylymı-zertteý ınstıtýtynyń jetekshi ǵylymı qyzmetkeri Aıbar Qasenalın.
Altynnan jasalǵan dep topshylanǵan tostaǵannyń túbinde qyzǵaldaq pishininde bederlengen órnek bar. Mamandardyń boljaýynsha, qabirde asyl tuqymdy áýletten shyqqan áıel jerlengen, al tabylǵan jádigerler men buıymdardyń túrleri ıslamǵa deıingi kezeńge jatýy ábden múmkin.
– Joba maqsaty – ortaǵasyrlyq mazardy antropologııalyq turǵydan zerttep, jerleý qaı kezeńde jasalǵany jáne jerlengen áıeldiń dárejesi qandaı ekenin anyqtaý. Biz tabylǵan bas súıek boıynsha bettiń pishinin qalypqa keltirýdi josparlap otyrmyz, – dep málimdedi tarıhı-mádenı murany saqtap qalý ortalyǵynyń dırektory Túlkibaı Tóleýov.
Qaırat ÁBILDA,
«Egemen Qazaqstan»
Qaraǵandy
