Bassyzdyqtyń aıaǵy qashanda qasiret
Juma, 3 aqpan 2012 7:52
Mysyrdaǵy Port-Saıd qalasynda oryn alǵan tártipsizdikterdiń saldary óte aýyr bolyp otyr. Bul bassyzdyq áreketterdi tipti qasiretke aparǵan qadam deýge de bolatyndaı. 74 adamnyń qaza tabýy, 1 myńdaı adamnyń jaralanýy osylaı deýge májbúrleıdi.
Oqıǵa bylaı bolǵan. Egıpettiń Port-Saıd qalasynda jergilikti «Ál-Masrı» jáne Kaırdiń «Ál-Ahlı» komandalarynyń arasynda el chempıonatynyń kezekti týryna oraı kezdesý ótip jatady. 3:1 esebimen jergilikti komanda jeńý ústinde eken. Bir kezde olardyń fanattary alańǵa júgirip shyǵyp, kaırlyq klýbtyń oıynshylaryna tarpa bas salady.
Juma, 3 aqpan 2012 7:52
Mysyrdaǵy Port-Saıd qalasynda oryn alǵan tártipsizdikterdiń saldary óte aýyr bolyp otyr. Bul bassyzdyq áreketterdi tipti qasiretke aparǵan qadam deýge de bolatyndaı. 74 adamnyń qaza tabýy, 1 myńdaı adamnyń jaralanýy osylaı deýge májbúrleıdi.
Oqıǵa bylaı bolǵan. Egıpettiń Port-Saıd qalasynda jergilikti «Ál-Masrı» jáne Kaırdiń «Ál-Ahlı» komandalarynyń arasynda el chempıonatynyń kezekti týryna oraı kezdesý ótip jatady. 3:1 esebimen jergilikti komanda jeńý ústinde eken. Bir kezde olardyń fanattary alańǵa júgirip shyǵyp, kaırlyq klýbtyń oıynshylaryna tarpa bas salady.
Buǵan el astanasy jankúıerleriniń jergilikti komanda men fanattaryn qorlap, til tıgizetin sózder jazylǵan bannerlerdi jaıyp salýy sebep bolǵan syńaıly. Stadıonnyń qaýipsizdik qyzmetine fanattar boı bermeı ketken. Keıbir málimetter polısııanyń stadıonnan ádeıi shyǵaryp jiberilgenin aıtady.
Sóıtip, jappaı tóbeles sýyq qarý qoldanýǵa ulasady. Sonyń saldarynan sońǵy derek boıynsha 74 adam kóz jumǵan. Stadıondaǵy tártipsizdikterden keıin qalaǵa áskerı bólimder engizilipti. Jankúıerler men olardyń týysqandary stadıondaǵy oqıǵaǵa bılikti kinálap otyr. Jappaı tóbeleske bılik arandatty. О́ıtkeni, jankúıerler mysyrlyq tóńkerilisshiler arasynda úlken qurmetke ıe. Sondyqtan bılik kaırlyq jankúıerlerdi kináli etip kórsetkisi keldi, deıdi olar.
Sońǵy málimet boıynsha, oqıǵaǵa baılanysty 47 adam tutqynǵa alynǵan. Bul jóninde eldiń syrtqy ister mınıstri málimdegen. Onyń aıtýynsha, kinálilerdi izdestirý jalǵastyrylýda.
Al keshe Kaır kóshelerine oryn alǵan oqıǵaǵa narazylyq bildirip, myńdaǵan adam shyqty. Aksııaǵa qatysýshylar Nil ózeniniń jaǵalaýyna tosqaýyl qoıyp, birqatar avtojoldardy jaýyp tastady. Qalanyń basqa aýdandarynda da kóshege shyqqandar bar. Olar ýaqytsha memleket basshysy – Mysyr qarýly kúshteri Joǵary keńesiniń tóraǵasy marshal Hýseın Tantaýıdi jaýapqa tartýdy, tipti ólim jazasyna deıin kesýdi talap etýde.
Osyndaı eldi eleń etkizgen oqys oqıǵalar aýyzbirligi joq, berekesi ketken elde oryn alsa kerek.
