Densaýlyǵynyń nasharlaǵanyn joqqa shyǵardy
Seısenbi, 23 qazan 2012 7:27
Lıvııadaǵy jaǵdaı qaıta shıelenisti
Mýammar Kaddafıdiń kózin joıyp, azamat soǵysy resmı aıaqtalǵanyna bir jyl ótkende Lıvııada jaǵdaı taǵy da shıelenise tústi.
Seısenbi, 23 qazan 2012 7:27
Lıvııadaǵy jaǵdaı qaıta shıelenisti
Mýammar Kaddafıdiń kózin joıyp, azamat soǵysy resmı aıaqtalǵanyna bir jyl ótkende Lıvııada jaǵdaı taǵy da shıelenise tústi.
О́tken demalys kúnderi Kaddafıge adaldyǵyn saqtaǵan varfalla taıpasynyń astanasy sanalatyn Banı-Valıd qalasynda qulatylǵan rejimniń jaqtastary men qarsylastary arasynda keskilesken urystar júrdi. Keıbir málimetterge qaraǵanda, 30 adam qaza taýyp, 200-den astamy jaraqattanǵan. Arab BAQ-tarynyń málimetinshe, Kaddafıdiń 28 jasar uly Hamıs qaza tapqan kórinedi. Jalpyǵa ortaq ulttyq kongress tóraǵasy Mýhammed Iýsef ál-Magreftiń aıtýynsha, Hamıs Kaddafı jaralanyp, tutqynǵa túsken jáne sol jaraqat saldarynan qaıtys bolǵan.
Densaýlyǵynyń nasharlaǵanyn joqqa shyǵardy
Kýba revolıýsııasynyń lıderi Fıdel Kastro óziniń densaýlyǵynyń nasharlaǵany týraly sheteldik BAQ-tarda jarııalanǵan habardy teriske shyǵardy.
Sóıtip, komandante osy jyldyń naýryzynan keıin birinshi ret kópshilik aldyna shyqty. Memlekettik veb-saıtta jarııalanǵan maqalada Fıdel Kastro óziniń jaǵdaıynyń jaqsy ekenin málimdegen. Men bas aýrýynyń ne ekenin umyttym, degen ol. Al onyń densaýlyǵynyń nasharlaǵany týraly barlyq aqparatty Kýba lıderi baryp turǵan ótirik dep atady. Kýbalyq BAQ-tar maqalamen birge komandanteniń fotosýretterin de jarııalaǵan kórinedi.
Beırýttegi jarylys
Lıvannyń astanasy Beırýtte bolǵan qýatty jarylystan 80-ge jýyq adam zardap shekken. Qaza tapqandar sany 8-ge deıin jetken kórinedi.
Jarylǵysh zat toltyrylǵan mashına negizinen hrıstıandar turatyn aýdandaǵy Sasın alańynda jarylǵan bolatyn. Alǵashqyda terrorlyq akt batysqa ish tartatyn «14 naýryz koalısııasy» lıderleriniń birine baǵyttalǵan dep habarlanǵan edi. Biraq ol sóz ázirge rastalmaı otyr. Jarylys bolǵan mańaıdaǵy turǵyn úılerge úlken materıaldyq zııan kelip, ondaǵan mashınalar zaqymdanǵan. Bes adam qaza taýyp, 37 adam jaraqattandy degen málimet bar.
Ultshyldardyń óńirlik saılaýdaǵy jeńisi
Sheshýshi avtonomııalardyń biri Galısııada bıliktegi Ispanııa halyq partııasy kópshilik orynǵa ıe boldy.
Premer-mınıstr Marıana Rahoı basqaratyn ońshyl sentrıster úkimet qabyldaǵan qatań únemdeý sharalarynyń qoldaý tappaǵanyna qaramastan, basym daýys jınaýǵa qol jetkizgen. Osylaısha halyq partııasy óz pozısııasyn kúsheıtip otyr. Baskiler elinde Ulttyq partııanyń jeńiske jetkenine qaramastan, olar óz pozısııalaryn azdap álsiretip aldy. Oǵan ótken jyly osynda jańa saıası koalısııanyń paıda bolǵany sebepker kórinedi.
Ońtústik Koreıa toıtarys berýge daıyn
Ońtústik Koreıa ókimeti taıaýda KHDR tarapynan bolýy yqtımal áskerı soqqyǵa toıtarys berýge daıyndalýda.
Eki memleket arasyndaǵy daý-janjal ońtústikkoreıalyq belsendiler taratqan úgit paraqshalar saldarynan týyndap otyr. Olarda KHDR rejimin aıyptaǵan sózder men arab elderindegi demokratııalyq tóńkerister týraly jańalyqtar bolǵan. Ońtústik Koreıanyń áskerı kúshteri joǵary jaýyngerlik daıyndyqqa keltirilgen. El bıligi belsendilerge odan ári úgit paraqshalar taratýǵa tyıym salyp otyr.
Búlikshiler áreketi iske aspady
Gvınııa-Bısaý memleketiniń bıligi óz elinde tóńkeris jasamaq bolǵandardyń áreketin tunshyqtyrǵanyn málimdedi.
Búlikshiler ýaqytsha úkimetti qulatpaq bolǵan kórinedi. El bıligi mundaı áreketti uıymdastyrdy dep Portýgalııany, sonymen birge Portýgal tildi elder dostastyǵyn jáne eldiń burynǵy premer-mınıstri Karlýsh Gomesh Jýnıordy kinálap otyr. Tóńkeris jasaýǵa talpynǵandardy tunshyqtyrý nátıjesinde 6 adam qaza tapqan. Úkimet kúshteri reaktıvti granatalar qoldanǵan kórinedi. Aıta ketý kerek, qazirgi úkimet ústimizdegi jyldyń 12 sáýirinde júzege asqan memlekettik tóńkeris nátıjesinde jasaqtalǵan bolatyn.
О́zgelerdi jaralap, ózi qaza tapty
Amerıkanyń Vıskonsın shtatynda polısııa jergilikti spa-salondardyń birinde oq atqan er adamdy anyqtaǵan.
Oq atý saldarynan 7 adam zardap shekken kórinedi. Al «atqyshtyń» ózi oqıǵa bolǵan jerde ajal qushqan. Polısııanyń aıtýynsha, er adam óz-ózine atqan oqtan qaza tapqan. Aldyn-ala málimetter boıynsha, 45 jasar Redklıff Haftonnyń mundaı áreketke barýyna otbasylyq janjal túrtki bolǵan kórinedi. Spa-salonynda onyń kópten beri bólek turyp jatqan áıeli jumys isteıdi eken. Jaraqat alǵan adamdar aýrýhanaǵa jetkizilgen.
Reseılik týrıske shabýyl jasaldy
Taılandtyń kýrortty qalasy Pattaııada reseılik týrıst áıelge qaraqshylyq shabýyl jasaldy.
Jergilikti polısııanyń málimetterine qaraǵanda, 25 jasar reseılik Evgenııa Nıkolına shabýyl qurbany bolǵan. Motosıkl mingen eki qylmysker oǵan ol turatyn qonaq úıdiń aldynda shabýyl jasaǵan kórinedi. О́zin tonap jatqan qaraqshylarǵa qarsylyq kórsetpek bolǵanda qylmyskerler qyzǵa bes ret pyshaq suqqan. Osydan keıin qaraqshylar qyzdyń aqshasyn, uıaly telefonyn, beınekamerasyn alyp qashyp ketken. Zardap shekken qyz aýrýhanaǵa jetkizilgen. Onyń jaǵdaıy týraly naqty málimetter joq.
Internet materıaldary negizinde ázirlendi.
