Tıisti oryndardyń málimetinshe, oqıǵanyń negizi atalǵan ken ornyndaǵy kúrdeli ýchaskede naýryz aıynyń 13-24-i aralyǵynda júrgizilgen uńǵymanyń qurylysy barysynda, sondaı-aq kúrdelendirilgen burǵylaý eritindisimen uńǵymany jýý jumystaryn, grıfondardy joıý úshin jóndeý-oqshaýlaý jumystaryn júrgizý barysynda shyqqan tehnogendik sıpattaǵy gaz-sý aralas tabıǵı burqaǵynan bastalǵan. Araǵa 12 kún salyp ken ornynyń ortalyq bóligine tán bolyp tabylatyn bul suıyqtyq, ıaǵnı jer betine shyqqan gaz-sý qospasynyń oshaǵy jana bastady. 10-15 metr bıiktikte alaýlaı janǵan órtti sóndirý ońaı bolmady. Quramynda Tótenshe jaǵdaı departamentiniń ókilderi, ekologtar, tártip saqshylary, óndiristik qaýipsizdik mamandary, QMG, «Mańǵystaýmunaıgaz» AQ, «SıBÝ» JShS jáne Mańǵystaý oblysy ákimdiginiń qyzmetkerleri bar jedel órt sóndirý shtaby qurylyp, oqıǵa ornyna «Semser-О́rt sóndirýshi» JShS jaýyngerlik toby, Aqtaý qalasynyń MО́QQ 6 órt sóndirý toby kelip jetken.
О́rtti sóndirýge 4 avtosısterna, 1 jyljymaly sorǵy stansasy, 1 gaz-sý sóndirýshi avtokóligi kelip, jedel jumysqa kiristi. Olarmen birge, órt shyqqan jerde Mańǵystaý oblysynyń TJD, «Faır protekshn LTD» JShS jeke quramynyń 53 adamy jáne órt sóndirý tehnıkasynyń 12 birligi jumyldyrylǵan. О́rtti sóndirý barysynda janǵan jerdi tasymaldanatyn lafettik oqpandarmen sóndirý úshin birneshe ret talpynystar jasalǵanmen, órt oshaǵyna kirme joldardyń joqtyǵyna baılanysty órtti aýyzdyqtaý múmkin bolmady. Eki-úsh kún boıy órtti aýyzdyqtaý jáne tótenshe jaǵdaıdy joıý úshin barlyq shara qoldanylyp, tótenshe oqıǵa ornyna 80 maman, 25 túrli tehnıka jumyldyryldy.
Nátıjesinde 27 naýryzdan 28 naýryzǵa qaraǵan túnde atalǵan uńǵyma mańaıyndaǵy grıfonda shyqqan órt sóndirildi. Qazir paıda bolǵan grıfondar jabylyp, gaz-sý aralas tabıǵı burqaqtyń jer betine shyǵýy toqtatyldy. Al oqıǵa ornynda zardap shekkender men qaza bolǵandar joq. Aldyn ala málimetter boıynsha, materıaldyq shyǵyn kólemi shamaly. Sondaı-aq qazirgi sátte qaıta qalpyna keltirý úshin keshendi jumystar júrgizilýde. Mamandar aldaǵy ýaqytta osyndaı tótenshe jaǵdaılar qaıtalanbas úshin jan-jaqty saraptamalyq jumystar júrgizetin bolady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
