Bıylǵy 30 naýryz, ıaǵnı búgin Almatydaǵy Qazaq onkologııa jáne radıologııa ǵylymı-zertteý ınstıtýtynda saǵat 09:00-14:00 aralyǵynda, toq ishekti obyryn (kolorektaldy qaterli isik) anyqtaý men aldyn alý maqsatynda Ashyq esik Kúni ótedi. Osy kúni qazaqstandyqtar bilikti onkolog mamandardan tegin keńes alyp, tekserile alady.
Bul shara Qazaqstannyń barlyq óńirlik onkologııalyq dıspanserlerinde jáne onkologııalyq ortalyqtarda ótkiziledi.
Dúnıejúzi boıynsha kolorektaldy qaterli isikpen aýyrǵandar sany jyl saıyn artyp keledi. Qazaqstandaǵy onkopatologııanyń jalpy qurylymynda obyrdyń bul túri eń kóp taralǵan bestikke kiredi. Jyl saıyn kolorektaldy qaterli isikterdiń 3000-nan astam jaǵdaı tirkeledi.
Táýekel tobynda - 50 jastan asqan adamdar.
Qazaqstan TMD elderi boıynsha, 2011 jyldan beri kolorektaldy qaterli isikke qarsy erte dıagnostıkalaý tegin skrınıngi engizilgen alǵashqy el bolyp tabylady. 50-den 70 jasqa deıingi qazaqstandyqtar turǵylyqty meken-jaılary boıynsha ornalasqan emhanalardan kolorektaldy qaterli isikke qarsy skrınıngten óte alady.
ALMATY
