Sonymen birge, Ulttyq bank 2019 jyldyń alǵashqy eki aıynda halyqtyń sandyǵynda qansha qarjy saqtaýly turǵanyn da eseptep qoıypty: 2019 jyldyń aqpan aıyna deıingi málimet boıynsha halyqtyń sandyǵynda jatqan qarjysy 71,8 mln eýro. Jıǵan –tergenin eýromen saqtaýda almatylyqtar erekshe kóńil bóletin bolyp shyqty : Alǵashqy eki aıda olar 17.3 mlrd teńgege eýro satyp alǵan. Bul halyqtyń jıǵan –tergeniniń 56 paıyzy tek eýroda saqatalyp turǵanyn aıǵaqtaıdy: Buǵan uqsas jaǵdaı Mańǵystaý, Aqmola, Almaty, Soltústik Qazaqstan oblysy jáne Shymkent qalalarynda baıqalǵan.
Sarapshylar eýroǵa degen ala-bóten yqylastyń tek 2018 emes, 2014 jyldan beri úırenshikti qubylysqa aınala bastaǵanyn aıtyp otyr. 2014-2018 jyldarda Qazaqstannyń aıyrbas pýnktterinde satylǵan EO elderi valıýtasy alǵashqy eki aıdaǵy deńgeımen salystyrǵanda anaǵurlym joǵary eken. 2019 jyly aqpan aıyndaǵy EO valıýtasy qunynyń tómendeýi oǵan degen qyzyǵýshylyq pen senimge selkeý túsire almapty: Qańtar aıynda eýro –teńge juby 431,32 teńge bolsa, aqpan aıynda ol 428,47 –ge deıin tómendep ketken. Bıylǵy jyldyń alǵashqy eki aıynda Reseı rýbline degen suranysta ózgeris bar. Túrkistan jáne Qyzylorda oblystarynda ornalasqan aıyrbas pýnktteri arqyly 260 mln teńgege eýro satylǵan. Almaty oblysynda aqpan aıynda 350 mln teńgege eýro satylsa, qańtar aıynda ol 280 mln teńgege deıin tómendegen. Ulttyq bank saıtynda jarııalanǵan derekter 2019 jyldyń alǵashqy eki aıynda tómendegi 4 oblystyń eýroǵa degen yqylasynyń erekshe bolǵanyn aıtady: Pavlodar oblysy 2 mlrd – 5.3 mlrd, Qostanaı oblysy 1,9 mlrd-5,5 mlrd, Batys Qazaqstan oblysy 3 mlrd -7.4 mlrd, Shyǵys Qazaqstan oblysy 1,9 mlrd -6,7 mlrd teńgege eýro satyp alǵan.
Sarapshylar qazaqstandyqtar úshin, brend valıýta AQSh dollary ekenin aıtady. 2019 jyldyń aqpan aıynda ońtústik astanadaǵy aıyrbas pýnktteri arqyly 116,3 mlrd teńgege AQSh dollary satylǵan. Bul 2018 jyldyń aqpan aıymen salystyrǵanda 23 paıyzǵa kóp eken. Beı resmı derek kózder usynǵan málimetterge sensek, aqpan aıyna deıin almatylyqtardyń sandyq túbindegi qarjysy 308,57 mln AQSh dollary eken. Sarapshylardyń deni sońǵy eki aıdaǵy AQSh dollaryna degen suranysty almatylyqtardyń ony kóptep satyp alýy kóterip, ustap turǵanyn aıtady.
Gúlbarshyn SABAEVA,
«Eqemen Qazaqstan»
Almaty
