Osy mekemeniń sottalǵandardyń eńbegin uıymdastyrý bólimshesiniń qyzmetkeri Araı Kósherbaevnyń aıtýynsha, mundaǵy jazasyn óteýshilerdiń eńbekke jaramdy bóligi 100 paıyz jumyspen qamtylypty. «Qoǵamda sottylyǵy joq adamdar jumys izdep, jumyspen qamtý ortalyqtarynyń tabaldyryǵyn tozdyryp júrgen ýaqytta sottalǵan adamdy jumyspen qamtý mekeme qyzmetkerleriniń tabandy qyzmet atqarýynyń nátıjesi dep bilemiz. Mekemede О́skemen qalasyndaǵy jeke kásipkerler men jaýapkershiligi shekteýli seriktestermen kelisim shart jasasý arqyly sottalǵandar jumyspen qamtylǵan. Sottalǵandar tarapynan aryz-shaǵym joq, eńbek aqylaryn ýaqtyly, tolyq kólemde alyp otyr. Bas bostandyǵynan aıyrý jazasyna sottalǵan adamdardyń eńbegin kásiporyndarda paıdalaný – túzeý mekemesine de, qoǵamǵa da paıdaly. Iаǵnı sottalǵandar túzeý kolonııasynyń óndirisinde eńbek etkende qoǵam qaýipsizdigine qaýip týyndamaıdy. Keńes úkimeti ýaqytynda túzeý mekemelerine tapsyrys memleket tarapynan júrgizilgendikten, sottalǵandar túzeý mekemesiniń aýmaǵyna jatatyn kásiporyndarda eńbek etti. Qazirgi menshik nysandarynyń kóbeıýi jáne túzeý mekemelerine jumys tapsyrystarynyń memleket tarapynan júıeli túrde júrgizilmeýi sottalǵandardyń eńbegin uıymdastyrýdyń basqa da túrlerininiń paıda bolýyna ákeldi. Sottalǵandardy túzetýdiń bir formasy – eńbek. Bul zańdy buzǵan adamdardy tárbıeleýdiń bir ádisi, mundaı qadam olardy jaza óteý jerlerinde qylmystyq ortadan shekteýge jáne bosatylýdan keıin ómirge daıyndaýǵa múmkindik beredi. Bul úshin mekemede sottalǵandardyń eńbegin uıymdastyrý bólimshesi jumys isteıdi», - deıdi ol.
О́SKEMEN
