Keńes otyrysyn partııa oblystyq fılıaly tóraǵasynyń orynbasary Shábden Tileýmurat ashyp, tarıhı oqıǵanyń memleket úshin mańyzdylyǵyna toqtaldy. Ol óz sózinde Táýelsizdigimizdi alyp, egemen el bolyp qalyptasýymyzda Elbasynyń etken eren eńbegine eshkimniń de kúmáni joq ekenin atap ótti.
Áýeli QR Mádenıet qaıratkeri Álibek Ámzeuly sóz alyp, «Eńsemiz túsip, esimizdi jınaı almaı turǵanda Elbasy Elordaǵa jańa esim berip, esemizdi qaıtardy» dese, aqyn, Qazaqstannyń Eńbek sińirgen qaıratkeri Qaıyrbek Asanov «Sonaý toqsanynshy jyldary Alataýdyń baýraıy Almatydan aıazy azynaǵan Aqmolaǵa kóshýdi Nursultan Ábishuly óziniń múddesi úshin jasaǵan joq. Saryarqanyń tórine jańa astananyń qazyǵyn qaqqan Elbasynyń sol kezdegi kóregen saıasaty eldi alǵa qaraı jeteledi», dep óz oıyn bildirdi. Aqyn Shyryn Mamaserikova Merki aýdanyndyq mýzeıinde qyzmet atqaryp júrgen kezinde Elbasymen birneshe ret kezdeskenin aıtyp, Elbasyna birneshe óleń arnaǵanyn áńgimeledi. Sonymen qatar, Qazaqstannyń Halyq artısi Máken Raqymjanqyzy el ishinde túrli pikirler bolǵanymen, Astana ataýynyń Elbasynyń atymen atalǵany quptarlyq sheshim ekenin aıtyp ótse, Mahmýd Qashqarı atyndaǵy uıǵyr etno-mádenı birlestiginiń jetekshisi Mýhabat Týrdyeva búgingi beıbitshilik pen tatýlyqtyń Elbasy saıasatynyń jemisi ekenin jetkizdi.
Jambyl oblysy
