El esindegi erlikter

Sársenbi, 11 qańtar 2012 7:45

Aǵa leıtenant Medet Dosymhanov Qamysty aýdanynyń Adaevka kentine ba­ǵyt alǵanda qylmyskerdi taýyp, j­á­bir­lengenderdiń quqyqtyq talabyn qam­ta­masyz etýdi oılady. Biraq ózin alda ne kútip turǵanyn bilgen joq.
Árıne, kez-kelgen polısııa qyzmetkeri úshin qylmys bolyp jatqan oqıǵa ornyna attanarda ózin alda ne kútip turatyny beseneden belgili sekildi. О́ıtkeni, bireý­ge qaraqshylyq jasaǵan, ıakı bireýdi to­naǵan, zorlaǵan nemese óltirgen qandy qoldar óziniń qutylyp ketýi úshin nege bolsa da bas tigedi. Al mundaıda jolyna turǵan polısııa qyzmetkerin qaraqshylar múlde aıamaıtyny anyq.

Sársenbi, 11 qańtar 2012 7:45

Aǵa leıtenant Medet Dosymhanov Qamysty aýdanynyń Adaevka kentine ba­ǵyt alǵanda qylmyskerdi taýyp, j­á­bir­lengenderdiń quqyqtyq talabyn qam­ta­masyz etýdi oılady. Biraq ózin alda ne kútip turǵanyn bilgen joq.
Árıne, kez-kelgen polısııa qyzmetkeri úshin qylmys bolyp jatqan oqıǵa ornyna attanarda ózin alda ne kútip turatyny beseneden belgili sekildi. О́ıtkeni, bireý­ge qaraqshylyq jasaǵan, ıakı bireýdi to­naǵan, zorlaǵan nemese óltirgen qandy qoldar óziniń qutylyp ketýi úshin nege bolsa da bas tigedi. Al mundaıda jolyna turǵan polısııa qyzmetkerin qaraqshylar múlde aıamaıtyny anyq. Alaıda, osy saqshylar bolmasa bireýdi jábirlegen­der­diń jolyn kesýge kim shyqpaq? Demek olardyń beıbit ýaqyttaǵy qyzmetiniń ózi ádildik úshin arpalysqa toly kúnder men túnder desek, Qostanaı oblysyna qa­rasty Taran aýdandyq ishki ister bólimi krımınaldyq polısııa bólimshesiniń bastyǵy Medet Baýyrjanuly da kezekti myna tekseristiń tosyn jaǵdaıyna daıyn kúıde attanǵan edi.

Tergeý tobyna jetken aqparat boıynsha Prıozersk kentindegi mal sharýashy­ly­ǵynan azamat B.Nurmuhanbetovke tıe­si­li eki jylqy urlanǵan eken. Kim urla­ǵa­ny, árıne, belgisiz. Biraq aldyn ala máli­metter boıynsha, ıaǵnı Taran aýdandyq ishki ister bóliminiń krımınaldyq polısııa qyzmetkerleriniń zerdeleýine qara­ǵanda úsh kúdikti nazarǵa ilikken sekildi. Olar­dyń kim ekendikteri de tez arada belgili boldy. Sosyn atalǵan qylmysty ja­saýy múmkin dep tabylǵan úsh kúdik­tiniń biri Sh.Dosanovtyń oǵan qatysy bar-joqtyǵyn anyqtaý úshin M.Dosymhanov bastaǵan top onyń úıine bet aldy. Polısııa qyzmet­ker­leri Sh.Dosanovty úıinen tapqanymen, ol birden qarsylyq kórsetedi. Tipti oǵan kómekke jetken aǵasy úıden myltyq alyp shyǵyp kezenedi. Osy kezde ózgelerge qaýip tóngenin túsingen aǵa leıtenant M.Dosymhanov qylmyskerdiń jolyn bógemekshi bolady. Alaıda, mán-jaı­dy sabyrlylyqpen anyqtaýǵa jetkizbe­gen J.Dosanov ańshy myltyǵyn aǵa leı­te­nantqa kezenip, shúrip­peni basyp qalady.
J.Dosanov buryn sottalǵan eken. Son­dyqtan ol esh shimirikpesten adamǵa oq atady. Sol mezette aǵa leıtenant sol jaq ıyǵynan qatty jaraqat alady. Shashyraı tıgen bytyradan qan sýdaı aǵady. M.Dosymhanov tez arada Qamysty ortalyq aýrýhanasyna jetkiziledi. Biraq qannyń toqtaýsyz kóp aǵyp ketýinen qansyraǵan aǵa leıtenant kóz jumdy. Bytyra kúre tamyrdy qıyp jibergen eken.
Medet Baýyrjanuly 1980 jyly Qos­tanaı oblysynyń Áýlıekól aýdanynyń Áýlıekól aýylynda týǵan. Sonda mektepti bitirgen soń Qostanaı áleýmettik akade­mııa­syn keden isi boıynsha 2003 jyly oqyp taýysady. Sosyn birden Rýdnyı qalasy­nyń ishki ister bólimine qyzmetke ornalasady. Jas kelse iske degendeı, kóp uzamaı ol óziniń alǵyrlyǵymen kózge túsip, krımınaldyq polısııa bólimshesi aımaqtyq tobynyń aǵa jedel ókili – aǵa maman laýazymyna kóteriledi. Al 2007 jyly Medet Taran aýdandyq IIB krımı­nal­dyq polısııa bólimshesi bastyǵynyń orynbasary qyzmetine joǵarylaıdy. Bul laýazymda da óziniń biliktiligimen talaı isti asha bilgen M.Dosymhanov 2009 jyly atalǵan krımınaldyq polısııa bólimshe­si­niń bastyǵy bolyp taǵaıyndalady. Osy jyldar ishinde ol nátıjeli qyzmeti úshin birneshe ret Qostanaı oblystyq IID bas­shy­lyǵy tarapynan birqatar marapattarǵa keneledi. Osyndaı jastyq shaǵynda qa­jyrly jumys istep, qanatyn qataıta bastaǵan, bar bolǵany 28 jasqa endi tolǵan jigit jábirlengenderdiń quqyn qor­ǵaımyn dep qandyqol qaraqshynyń qoly­nan qapy­da mert boldy.
Ulttyq qaýipsizdikti nyǵaıtý jáne quqyqtyq tártipti, zańdylyqty qamta­ma­syz etý barysynda kórsetken erligi men qaısarlyǵy, áskerı jáne qyzmettik mindetin úlgili atqarǵany úshin Prezıdent Jarlyǵymen M.B.Dosymhanov II dárejeli «Aıbyn» ordenimen (qaıtys bolǵan soń) marapattaldy. Onyń esimi er­ligimen el esinde qaldy. Qostanaı ob­lystyq IID jeke quramy Áýlıekól aýylynda ózderiniń áriptesterine sońǵy qurmet kórsetti. Qaraly rásim qosh­tasýynda sóz alǵandar qaıtys bolǵan Medet Dosymhanov jóninde estelik aıtyp, onyń erlik áreketi quqyq qorǵaý organdarynyń keleshek qyzmetkerleri úshin qyzmettik mindetti atqarýdyń úl­gisi retinde saqtalatyndyǵyn málimdedi.
Qaraly jıynda sóz alǵan onyń dos­tary, áriptesteri jáne ishki ister or­ganynyń ardagerleri Medet Dosym­hanovtyń ata-baba dástúrin jalǵas­ty­rýshy saqshy ekenin, onyń ákesi Baýyrjan jıyrma jyl jedel qyzmetker bolyp jumys istegenin, polıseılik álip­pe­ni ulyna ákesi sińirgenin, sonyń arq­a­synda aǵa leıtenant Dosymhanovtyń nátıjeli eńbek etkenin, sóıtip bar bolǵany alty jylǵy qyzmet kezinde qa­ra­paıym jedel qyzmetkerden krımı­nal­dyq polısııa bólimshesiniń basty­ǵyna deıin joǵarylaǵanyn jetkizdi. Marqum­nyń artynda kózderi botalaǵan órimdeı eki kishkentaı qyzy, jary qal­dy. Rýdnyı qalalyq ishki ister bas­qar­masy krımınaldyq polısııa bólim­shesiniń bastyǵy kapıtan Iý.Polıýhov Medet qolǵa alǵan isin qashanda aıaǵyna deıin ózi jetkizetinin aıtady. Bul joly da solaı boldy, jylqynyń urlyǵyna qatys­ty kúdiktiler jónindegi jedel aqparatty tekserýshi topqa jeke ózi basshylyq etti deıdi ol. Olar otbasylarymen dos bol­ǵan jandar eken.
Otbasy, týǵan-týysqandary, qyzmet­tes­teri úshin de orny tolmas qazanyń kúıinishin jetkizý múmkin emestigin aıtqan Qostanaı oblystyq IID bastyǵy general-maıor B.Baıjasarov: «Polıseıler qyzmetine kiriser aldynda beretin antynda olardyń azamattardyń quqyn qorǵaý jolynda, eger qajet bolsa óz ómirlerin de oılanbastan qııýǵa bara­tyn­dyǵy jazylǵan. Medet Dosymhanov antyna adal boldy, ol urlanǵan múlik qaıtarylýy úshin atylǵan oqqa arqa­syn tospaı, qarsy turdy. Ol qaıtys bolǵan soń memlekettik nagradaǵa usy­nyldy. Onyń esimi Qostanaı oblystyq ishki ister organynyń tarıhyna jazylyp qaldy» dedi. Iá, osylaısha beıbit kúnde de erlerdiń erlikteri halyqtyń qaýip­siz­digi men zańdylyqtyń saq­talýy úshin jalǵasa beretindigi aqı­qat­qa aınaldy.
Aleksandr TASBOLATOV.