Qazaqstan • 05 Sáýir, 2019

Azamattardyń aryz-tilekteri qaraýsyz qalmaıdy

669 ret kórsetildi

Kóp balaly analar men áleýmettik az qamtylǵan otbasylarǵa qoldaý kórsetý, halyqtyń ál-aýqatyn arttyryp, osy baǵyttaǵy ózekti máselelerdiń oń sheshilýine yqpal etý Nur Otan partııasynyń jumysyndaǵy negizgi basymdyq bolyp sanalady. О́ıtkeni bul – Elbasy, partııa Tóraǵasynyń tikeleı tapsyrmasy.

Soǵan sáıkes «Halyqqa kómek» jobasy qolǵa alynyp, tyń bastamalar júzege asyryla bastady. Sondyqtan keshe partııanyń respýblıkalyq qoǵamdyq qabyldaý bólmesinde azamattardy qabyldaǵan Máýlen Áshimbaev osy salaǵa erekshe nazar aýdardy. Al qabyldaýǵa elimizdiń keıbir óńirindegi azamattar beınekonferens-baılanys arqyly qatysty. Solardyń biri – Túrkistan oblysy Kentaý qalasynyń turǵyny, kóp balaly jáne jalǵyzbasty ana Naǵıma О́mirzaqova. Ol partııadan kúnkóris deńgeıine baılanysty memleket tarapynan kórsetiletin ataýly áleýmettik kómek alýǵa járdem suraı kelgen.

Al Almaty oblysynyń turǵyny, 8 balanyń anasy Gaýhar Shalǵynbaeva óziniń jer telimi bar ekenin aıtyp, endi úı salý úshin qoldaý kórsetilse degen ótinishin jetkizdi. Jalǵyzbasty ananyń bar tilegi – balalaryn baspanamen qamtý.

Pavlodarlyq Elena Kýkýrýza da 4 balasyn bir ózi tárbıelep otyr. Búginde balalary úshin alatyn járdemaqyǵa páter jaldap otyrǵan ol partııadan baspana máselesi boıynsha qandaı da bir kómek bolsa degen ótinishin jetkizdi. Sondaı-aq Nur-Sultan qalasynyń turǵyny, «Altyn alqa» ıegeri, jubaıynan erte aıyrylǵan Quralaı Aqaeva da partııadan materıaldyq kómek surap, ótinishin bildirdi.

Máýlen Áshimbaev olardyń barlyǵyna «Halyqqa kómek» jobasy aıasynda zań sheńberinde tıisti kómek kórsetiletinin aıtyp, partııanyń birqatar aımaqtyq fılıaldaryna naqty tapsyrmalar berdi. О́z kezeginde fılıal tóraǵalarynyń birinshi orynbasarlary atalǵan máselelerdi oń sheshýdiń tıimdi tetikterin qarastyryp qoıǵanyn jetkizdi. Sondyqtan kóp balaly analardyń máseleleri kóp uzamaı  sheshimin tabady deýge tolyq negiz bar.

Nur Otan partııasy Tóraǵasy birinshi orynbasarynyń qabyldaýyna kelgen Darhan Bilálov jumys taba almaı júrgenin aıtty. Qýanyshqa oraı bul másele dereý sheshimin taýyp, jas maman turaqty jumyspen qamtyldy. Endi ol partııanyń qoǵamdyq qabyldaý bólmesinde jumys isteıtin boldy.

Aıta keteıik, «Halyqqa kómek» jalpyulttyq jobasy – Elbasy partııanyń kezekti XVIII sezinde anyqtap bergen áleýmettik basymdyqtardyń biri. Onyń negizgi maqsaty – halyqty alańdatqan ózekti máselelerdi sheshýge partııa tarapynan naqty úles qosý. Ol úshin partııanyń barlyq fılıalynda jumys isteıtin qoǵamdyq qabyldaý bólmelerinde Biryńǵaı áleýmettik terezeler ashyldy. Sol arqyly halyqty alańdatqan barlyq ózekti áleýmettik máselelerdi dereý anyqtap, jan-jaqty taldap, olardy oń sheshý úshin memlekettik organdarmen, úkimettik emes uıymdarmen jáne bıznes qaýymdastyqpen birlesip jumys istelmek.

Qoǵamdyq qabyldaý bólmeleriniń mekenjaılary partııanyń resmı saıtynda tolyq kórsetilgen. Odan bólek, azamattarǵa uıaly telefon, áleýmettik jeliler, ýatsap messendjeri, elektrondy poshtalar, elektrondy úkimet arqyly da óz ótinishterin joldaýǵa múmkindik qarastyrylǵan. Osylaısha partııa ár ótinishti muqııat qarap, onyń oń sheshilýine yqpal etpek.

Osyǵan baılanysty qabyldaýda áleýmettik jeliler men messendjerler arqyly kelgen ótinishter de qaralyp, olardyń sheshý joldary pysyqtaldy. Atap aıtqanda, jas kásipkerler qaraǵandylyq Alekseı Lı men almatylyq Ańsar Ońalbaev ótinishterin áleýmettik jeli men elektrondy poshta arqyly joldap, óz isterine partııa tarapynan qoldaý kórsetilýin suraǵan. Soǵan baılanys­ty aldaǵy ýaqytta osy baǵytta tıisti jumystar qolǵa alynatyn boldy.

Sondaı-aq qabyldaýǵa «Kedergisiz keleshek», «Mektep ashanalary» sııaqty partııalyq jobalarǵa qatysty utymdy usynystaryn bildirgen belsendi azamattar da keldi. Almaty qalasynyń turǵyny, Halyqaralyq bıznes akademııa­sy kolledjiniń oqytýshysy Natalıa Krasnova múmkindigi shekteýli azamattarǵa qoldaý kórsetý baǵytynda stýdentter tea­tryn ashqanyn aıtty.

M.Áshimbaev bul bastamanyń qamkóńil jandar úshin bereri mol ekenin aıtyp, partııanyń «Kedergisiz keleshek» jobasy aıasynda osy baǵytta atqaryp jatqan jumystaryna toqtalyp ótti. Odan bólek, partııa Tóraǵasynyń birinshi orynbasary teatr jumysyn keńinen nasıhattaý úshin Nur Otan tarapynan aqparattyq qoldaý kórsetiletinin jetkizdi.

«Mektep ashanalary» partııalyq jobasy boıynsha óz usynystaryn aıta kelgen Tamaqtaný máseleleri ınstıtýtynyń dırektory, medısına ǵylymdarynyń doktory, professor Erbolat Dálenov, Durys tamaqtaný birlestiginiń tóraǵasy Qabyken Zakarıanov jáne Mektepterge durys tamaqtaný júıesin engizý qaýymdastyǵynyń tóraǵasy Marat Baelov bilim oshaqtaryndaǵy tamaqtaný júıesine kóńilderi tolmaıtyndaryn jetkizdi. Bul máseleni ǵylymı turǵyda qaıta qarap, ortaq júıe engizý kerektigin aıtqan olar jas býynnyń deni saý, básekege qabiletti bolyp qalyptasýy úshin osy istiń mańyzy zor ekenine basa mán berdi. Buǵan M.Áshimbaev bıyldyń ózinde elimiz bo­ıynsha 3500 mektep ashanasynyń jumysy tekseriletinin aıtty.

Qoǵamdyq qabyldaý kezinde óz aýylyn aýyz sýmen qamtý máselesin kótergen Soltústik Qazaqstan oblysy Aqqaıyń aýda­ny Qııaly aýylynyń turǵyny Tatıana Ivanovanyń da ótinishi tyńdaldy. Oǵan qazirgi tańda bul másele boıynsha óńirde «Qutty meken» partııalyq jobasy aıasynda naqty jumystar qolǵa alynǵany aıtyldy.

Is-shara sońynda M.Áshimbaev qabyldaý nátıjesi boıynsha anyqtalǵan máselelerdi oń sheshý úshin partııanyń Ortalyq apparaty men barlyq aımaqtyq jáne aýmaqtyq fılıaldaryna tapsyrmalar berip, ár ótinishtiń qaraýsyz qalmaýy kerektigin erekshe atap ótti.


Sońǵy jańalyqtar

Kókirekte kúmbirlegen dúnıe kóp

Ádebıet • Búgin, 23:12

Qar ústindegi qarsaq

Aımaqtar • Búgin, 23:08

Álkeıdiń kúndeligi

Tarıh • Búgin, 23:07

Jyl úzdikteri anyqtaldy

Sport • Búgin, 23:02

«Hat qorjyn»

Qoǵam • Búgin, 22:58

Qarǵyn sýdan qaýip bar

Tótenshe jaǵdaı • Búgin, 22:54

Sháken Aımanovtyń áıgili bórki

Jádiger • Búgin, 22:53

Jańa avtobýstarmen tolyqty

Mektep • Búgin, 22:45

Oqýshylar tapqan olja

Jádiger • Búgin, 22:39

Irikteýdegi qarsylastary anyqtaldy

Fýtbol • Búgin, 22:35

Jalpy esepte úzdik shyqty

Sport • Búgin, 21:05

Atyraý-Astrahan tasjoly jabyldy

Aımaqtar • Búgin, 17:00

Naryqta dollar baǵamy tómendedi

Qarjy • Búgin, 16:10

Uqsas jańalyqtar