Áýlıeatadaǵy áleýmettik jobalarmen tanysty

G.Ábdiqalyqova Jambyl oblysyn­daǵy jumys saparynyń ekinshi kúnin Qazfosfat JShS-nyń Jańa Jambyl fosfor zaýytynan bastady. Onda qala jáne aýdan ákimderi, iri kásiporyn jetek­shileri, bıznes ókilderi jáne kásip­odaq uıymdarymen kezdesý uıymdas­tyryldy. G.Ábdiqalyqova qazirgi tańda el kóleminde kásipkerler ózderiniń joǵary áleýmettik jaýapkershilikterin tanytyp, kóp balaly jáne az qamtylǵan otbasylarǵa kómek berip jatqanyna toqtaldy. Aıta keteıik, Jambyl oblysy boıynsha qazirgi kezde 14 kásiporyn­da 272 kóp balaly qyzmetker eńbek etedi. Onyń 217-siniń jeke baspanasy joq. Mysaly, «Jambyl elektr jelisi júıeleri» JShS-da eńbek etetin 60 kóp balaly qyzmetkerdiń 49-ynyń jeke bas­panasy joq. Vıse-premer kásiporyn basshylarynan bul qyzmetkerlerdiń áleýmettik máselelerin sheship qana qoımaı, olardyń jumys kestesin de qolaıly jaǵdaıǵa yńǵaılastyryp berýin surady.

Kelesi kezekte G.Ábdiqalyqova bas­taǵan jumys toby Y.Dúkenuly atyndaǵy qalalyq mádenıet úıinde tarazdyq turǵyndarmen kezdesti. Basqosýǵa kóp balaly analar, az qamtylǵan otbasy músheleri, eńbek ardagerleri, múmkin­digi shekteýli azamattar jáne bilim berý, densaýlyq saqtaý, mádenıet sala­lary­nyń qyzmetkerleri qatysty.

Basqosýda sóz alǵan Gúlshara Naý­sha­­qyzy Elbasynyń «Áleýmettik qam­qor­­lyq» jańa áleýmettik sharalary­nyń negizgi baǵyttary qazirgi tańdaǵy áleý­­mettik-saıasat sheńberinde, árbir tur­­ǵyn­nyń turmys sapasyn arttyrý maq­satyn­da júzege asyrylyp jatqanyn atap ótti. Kezdesý sońynda turǵyndar úkimet­tik ju­mys tobynyń múshelerine kókeı­lerindegi saýaldaryn joldap, naqty jaýaptar aldy.

Budan soń Premer-Mınıstrdiń orynbasary Taraz qalalyq №5 emhanaǵa at basyn burdy. Emdeý mekemesiniń jumysymen tanysqan G.Ábdiqalyqova Jam­byl oblysyndaǵy alǵashqy medı­sı­nalyq-sanıtarlyq kómek kórsetý máse­leleri boıynsha jıyn ótkizdi. Búgin­gi tańda oblys boıynsha halyqqa den­saý­lyq saqtaý júıesiniń 30 aýrýhana jáne 148 ambýlatorlyq-emhanalyq uıym­dary medısınalyq kómek kórsetýde. Bastapqy medısınalyq-sanıtarlyq kómek kórsetetin dárigerler úlesi bar­lyq dárigerlerdiń 60,4 paıyzyn qu­raıdy. Qazirgi kezde aımaqta mem­le­kettik-jekemenshik áriptestik sheń­berinde 31 joba iske asýda. Sondaı-aq res­pýblıkalyq bıýdjet esebinen oblys ortalyǵynda 200 oryndyq onko­lo­gııalyq dıspanser qurylysy júrgi­zilýde. Vıse-premer alǵashqy medısı­na­lyq-sanıtarlyq kómek kórsetý ınfraqurylymynyń damý deńgeıine kóńil bóldi. Kúnniń ekinshi jartysynda Gúlshara Naýshaqyzy Jambyl joǵary polıtehnıkalyq kolledjiniń materıaldy-tehnıkalyq bazasymen tanysyp, kolledj stýdentterimen erkin formatta kezdesý ótkizdi. Kezdesý­ge qatysqan jastar memlekettiń júrgi­zip otyrǵan jastar saıasatyn qoldaı­tyn­daryn jetkizip, oramdy oılaryn ortaǵa saldy. Jıynda adam kapıtal­y­nyń damýy­nyń negizi bolyp sanalatyn bilimnen bastap, áleýmettik-eńbek saıa­saty­nyń ózekti qyrlary talqylandy. Jambyl aýdanynyń turǵyny Mahanbet Rahymjanov jastardy jumyspen qamtý máselesiniń ózektiligine toqtalyp, bir­qatar usynysyn jetkizdi.

Jambyl oblysyndaǵy jumys sapary­­­nyń sońynda Premer-Mınıstr­diń orynbasary oblys basshylyǵyna birqatar naqty tapsyrma júktedi.

Jambyl oblysy