Aldyn alý amaly artty
Senbi, 11 tamyz 2012 7:35
Jegi qurttaı jer betin jalmaǵan sybaılas jemqorlyq álemniń osy qalaı degen elderiniń eńsesin túsirýde. Mundaı keseldiń kesapatynan, amal ne, bizdiń el de saqtanyp qala almady. Etekten jabysqan jegi qurt tóske órlep barady. Sondyqtan, qazirgi kúni sybaılasqan jemqorlyqqa qarsy kúres qatań júrgizilýde. Máselen, ústimizdegi jyldyń 1-toqsanynda ǵana qarjy polısııasy organdary 5 125 qylmysty tirkedi, onyń ishinde 1 107-si sybaılas jemqorlyq, 3572-si ekonomıkalyq qylmystar bolyp otyr. Al osy qylmystar boıynsha keltirilgen zalal mólsheri 70 mlrd. teńgeni quraǵan, qazirgi tańda onyń tek 29 mlrd. teńgesi ǵana tergeý barysynda qaıtaryldy.
Senbi, 11 tamyz 2012 7:35
Jegi qurttaı jer betin jalmaǵan sybaılas jemqorlyq álemniń osy qalaı degen elderiniń eńsesin túsirýde. Mundaı keseldiń kesapatynan, amal ne, bizdiń el de saqtanyp qala almady. Etekten jabysqan jegi qurt tóske órlep barady. Sondyqtan, qazirgi kúni sybaılasqan jemqorlyqqa qarsy kúres qatań júrgizilýde. Máselen, ústimizdegi jyldyń 1-toqsanynda ǵana qarjy polısııasy organdary 5 125 qylmysty tirkedi, onyń ishinde 1 107-si sybaılas jemqorlyq, 3572-si ekonomıkalyq qylmystar bolyp otyr. Al osy qylmystar boıynsha keltirilgen zalal mólsheri 70 mlrd. teńgeni quraǵan, qazirgi tańda onyń tek 29 mlrd. teńgesi ǵana tergeý barysynda qaıtaryldy.
Mine, osy jáne basqa da ózekti máseleler keshe Ekonomıkalyq qylmysqa jáne sybaılas jemqorlyqqa qarsy kúres agenttiginiń tóraǵasy R.Túsipbekovtiń tóraǵalyǵymen ótken vedomstvonyń alqa otyrysynda aıtyldy jáne onda aldaǵy kezeńge jańa mindetter belgilendi. Vedomstvo basshysy shaǵyn jáne orta bıznes qyzmetin tekserýlerdiń sanyn jáne qyzmetkerlerdiń kásipkerlik sýbektilerimen qatynastarynyń negizderin azaıtý boıynsha qabyldanǵan uıymdastyrýshylyq sharalardyń nátıjesinde bızneske jasalatyn qysym deńgeıi aıtarlyqtaı tómendegenin jetkizdi.
R.Túsipbekov sybaılas jemqorlyqqa qarsy turý jónindegi salaaralyq baǵdarlamaǵa engizilgen ózgertýlerge sáıkes «Qarjy polısııasy organdary týraly», «Ákimshilik prosedýralary týraly» zańdardyń jańa redaksııadaǵy jobalary daıyndalatyndyǵyn jáne «Sybaılas jemqorlyqqa qarsy kúres týraly» Zańyna ózgerister men tolyqtyrýlardyń engiziletindigin atap ótti.
Quqyq shyǵarmashylyq qyzmet sheńberinde memlekettik organdardy memlekettik satyp alýlardyń jeńimpazy týraly maǵlumatty satyp alý júrgizilgen somany kórsete otyryp, saıttarda ornalastyrýǵa mindetteıtin ózgertýlerdi engizý usynyldy. Bul jurtshylyqqa satyp alynǵan taýarlar men qyzmetterdi olardyń naryqtyq baǵalarymen salystyrýǵa múmkindik beredi.
Oǵan qosa, memlekettik satyp alýlar salasynda ashyqtyqty qamtamasyz etý úshin tenderlerdiń jeńimpazdarymen alynǵan memleket qarajatynyń qozǵalysy týraly aqparatty jalpyǵa qoljetimdi etý usynyldy. R.Túsipbekov: «Kommersııalyq uıymdar, eger olar bıýdjet qarajatyna jumys istegileri kelse, ózderiniń qarjylyq-sharýashylyq qyzmetin tolyǵymen ashýy qajettigin túsiný kerek», – dep atap ótti. Sonymen qatar, ol azamattyq qoǵamnyń sýbektilerin keńinen qatystyra otyryp, sybaılas jemqorlyq jáne ekonomıkalyq qylmystardyń aldyn alýǵa baǵyttalǵan profılaktıkalyq jumysty shıratýdy talap etti.
Alqaly jıynda aýmaqtyq attestattaý komıssııalarynyń otyrystaryn ótkizý men daıyndaý tártibi de talqylandy.
Aleksandr TASBOLATOV,
«Egemen Qazaqstan».
