Qytaı quramasyndaǵy qazaq balýany

Seısenbi, 3 sáýir 2012 7:35

Astanada Elbasy Nur­sul­tan Nazarbaevtyń júldesi úshin kúres túrlerinen ótken halyqaralyq týrnırde erkin kúresten Qytaı ulttyq qura­masynda qazaq balýanynyń beldeskenin kórdik. Aty-jóni – Erlanbek Káteıuly eken. 1990 jyly Qytaıdyń Shyń­jań-Uıǵyr avtonomııaly aýdany Altaı ólkesiniń Qyzyl­tas qalasynda týǵan. Kúres­pen aınalysqanyna 5-6 jyl bolypty. Qazir 66 kılo salmaqta Qytaı quramasynda beldesedi.

Seısenbi, 3 sáýir 2012 7:35

Astanada Elbasy Nur­sul­tan Nazarbaevtyń júldesi úshin kúres túrlerinen ótken halyqaralyq týrnırde erkin kúresten Qytaı ulttyq qura­masynda qazaq balýanynyń beldeskenin kórdik. Aty-jóni – Erlanbek Káteıuly eken. 1990 jyly Qytaıdyń Shyń­jań-Uıǵyr avtonomııaly aýdany Altaı ólkesiniń Qyzyl­tas qalasynda týǵan. Kúres­pen aınalysqanyna 5-6 jyl bolypty. Qazir 66 kılo salmaqta Qytaı quramasynda beldesedi.

Osy týrnırde E.Káteıulyn eriktilerden suras­tyra júrip taptyq. Ol ashyqjarqyn jigit eken. Bizge shaǵyn suhbat berýge birden kelisti. Áýeli qa­shan, qaı jyly týǵanyn, Qazaqstanǵa alǵash ret kelip otyrǵanyn, babalar mekenine kelgenine qý­a­ny­shty ekenin jasyrmady. Sodan keıin ózi Shyń­jańda týsa da qazir ishki Qytaıdyń Gýanchjoý aımaǵynda jatty­ǵatynyn, eki jyldan beri Qytaı ulttyq qurama­syn­da óner kórsetetinin aıtty. Qytaıda odan basqa Qýatbek, Dáýitnur, Orynbek degen balýandar da bar eken. Al ózin kúreske aǵasy Nurlanbek ákel­­gen kóri­ne­di. Sóıtse de alǵashqy bapkerleri Temirbek pen Serik degen azamattar bolypty. Solardyń qa­­ra­ma­ǵyn­da jattyǵa júrip, ulttyq quramaǵa iligipti. Qy­taı­dyń quramasyna iligýdiń ózi qıynnyń qıyny ekeni belgili. Ásirese, mıllıardtan astam halyqtyń ishinde óz salmaǵynda oryn tabý oryndalmaıtyn arman sııaqty kórinedi. Desek te, qandasymyz sondaı tar jol, taıǵaq keshýden ótip, 70 balýannyń ishinde óz salmaǵynda №1 atanyp, qurama sapyna qosylypty.

Áńgime kezinde ol osy týrnırde besinshi oryn alǵanyn aıtty. Kúreste Olımpıada joldamasyn alǵan Aqjúrek Tańatarovpen beldesip, upaı sany boıynsha jeńilip qalǵanyn biletinbiz. Osy beldesýde Aqjúrek Erlanbektiń áýeli qazaq ekenin bil­mep­ti. Keıin, beldesý bitken soń Aqjúrekke qazaqsha: «Rahmet, aǵa!» degeninde ǵana Tańatarov qarsy­la­synyń qandasy bolǵanyna tańqalypty. Sodan ekeýi ońasha kezdesip, uzaq áńgimelesip, syr bólisken eken. «Olımpıadaǵa qazaq balasy joldama alsa boldy ǵoı. Men jeńilgenime ókinbeımin. Alda taǵy eki joldama beretin jarys ótedi. Sol jerde baǵymdy taǵy da synap kóremin», deıdi ol.

Dastan KENJALIN.

Sýretti túsirgen Erkebulan ERǴALI.