«Jaqynda biz partııamyzdyń HVIII sezinde memleketke, elge qajet barlyq máselelerdi keńinen talqylap, partııanyń aldaǵy jumysyn anyqtadyq. Sondaı-aq strategııalyq baǵdarlamasyn bekittik. Atqarǵan jumystarymyzǵa, jetistikterimizge birge baǵa berdik. Al búgin Qazaqstan Prezıdentiniń aldaǵy saılaýyna óz kandıdatymyzdy usyný úshin bas qosyp otyrmyz», dedi Elbasy.
Tuńǵysh Prezıdent bul Qazaqstannyń saıası ómirindegi óte mańyzdy másele ekendigin basa aıtty.
«Qazaqstan jańa kezeńge qadam basyp otyr. Bıylǵy 19 naýryzda ózderińiz bilesizder, men Prezıdenttik ókilettigimdi toqtattym. Elimizdiń jarqyn bolashaǵy úshin osyndaı ońaı emes sheshim qabyldadym, oılanyp-tolǵanyp sheshilgen másele boldy. Memleketti basqarýǵa basshylardyń jańa býyny keletin zaman boldy. Ýaqyt solaı, ómir solaı. Olar táýelsiz Qazaqstannyń abyroıyn arttyryp, bedelin bıiktete túsedi dep senemin. Bizdiń býynymyz solarǵa kómek kórsetip, jan-jaqty qoldap, jaǵdaı jasaýymyz qajet», dedi Nursultan Nazarbaev.
