«Qasym-Jomart Toqaevtyń dıplomatııalyq tájirıbesi BUU deńgeıinde joǵary baǵalanǵanyn bilesizder. Osy jahandyq qurylymda ol Bas hatshynyń orynbasary retinde qyzmet etti. Dıplomatııalyq jetistikterimen qatar Qasym-Jomart Kemeluly memlekettik basqarý salasynda mol tájirıbe jınady. Ol el damýynyń eń kúrdeli kezeńinde Qazaqstan Úkimetin basqardy. Esterińizde bolsa, 1998 jylǵy Azııadaǵy qarjy daǵdarysynan keıin ekonomıkany qalpyna keltirýge atsalysty», dep atap ótti Tuńǵysh Prezıdent.
Elbasy Q.Toqaevtyń tikeleı qatysýymen 90-shy jyldardyń aıaǵy me 2000 jyldardyń basynda birqatar mańyzdy reforma júrgizilip, el ekonomıkasyn órkendetýge jol ashylǵandyǵyn aıtty.
«Sol jyldary ol meniń Ulttyq qor qurý týraly ıdeıamdy tolyq qoldap, onyń qurylýyna atsalysty. Turǵyn úı qurylys jınaq banki, damý ınstıtýttary osy kezde paıda boldy. Áleýmettik jańǵyrý jolynda alǵashqy qadamdar jasaldy. Jańa zeınetaqy júıesi qalyptasty. Qasym-Jomart Toqaev Senat tóraǵasy retinde Qazaqstandaǵy parlamentarızmniń jańa zań shyǵarý qyzmetine mol úles qosty. Osy jyldar ishinde ol maǵan senimdi serik bolyp, elimizdi odan ary órkendeýge qatysty ustanymymdy qoldap keledi. Men oǵan tolyq senemin jáne ony Qazaqstandy basqarýǵa laıyqty azamat dep esepteımin», dedi Nursultan Nazarbaev.
