Keshke pán birlestik muǵalimderi qatysty. Qazaqtyń salt-dástúrimen syrmaq tutylyp, qazaqtyń tymaǵy, aıaqqap, qamshy, qorjyny ilingen sahnaǵa aldymen bastaýysh pán birlestigi kóterildi. Olar Janquttynyń sózge sheshendigin, dilmarlyǵyn dáleldegendeı kórsetti. Ári qaraı Qunanbaıdyń úıine qonaqqa kelip, Abaımen jaýaptasyp, bala Abaıdyń bolashaǵyn boljap, óleń shyǵaratynyn baıqap, aq batasyn bergeni týraly kórinis kórsetip, Abaıdyń qarasózin oqyp, ánin shyrqap kórermenniń rızashylyǵyna bólendi.
Ekinshi kezekti izgilikti pán birlestikteri bala Abaıdyń kedeı balalaryna qamqor bolyp, úıindegi shesheleriniń qoldaýymen kómektesip júrgenin nasıhattady jáne sol kezdegi analarymyzdyń jún tútip, urshyq ıirgenin de eske túsirdi. Bala Abaıdyń asyqqa qumar ekenin de búldirshinderge jetkizdi.
Kelesi kezekte tilder birlestigi «Ájemniń áńgimesinen» balalyq shaǵynan bir úzik epızod kórsetti. Qunanbaıdyń úıine kelgen Barlas jyryn bitirip, qol jýǵaly qamdanǵan ýaqytta Abaı Qobylandy batyr jyry týraly suraqtardy nósershe jaýdyryp, Barlasty tań tamasha qaldyrǵanyn da jetkize bildi. Bala Abaıdyń boıyndaǵy mol daryn qasıetti sol kezde baıqap, batasyn berip, qolyndaǵy dombyrasyn syıǵa bergendigin, Abaıdyń jyr-ertegi tyńdaýǵa áýes ekenin kórsetip, jas urpaqtyń tárbıesine óz úlesterin qosty.
Abaıdyń aqyndyǵyn dáripteý retinde de oqýshylar qalys qalmaı, Abaı óleńderi arqyly balalardy jaqsy qasıetterge tárbıeleý maqsatynda ár birlestik kórinisinen keıin 10-synyp oqýshylary óleńderin mánerlep jatqa oqydy. Oqýshylardy qatygezdik pen mansap qorlyqtan jırendirý, izgilikke, ımandylyqqa tárbıeleý negizinde «Eskendir» poemasynan kórinis kórsetti.
Al matematıka, ınformatıka, fızıka pán muǵalimderi Abaı men Toǵjannyń mahabbatynan úzindi kórsetip, kórermendi tań tamasha etti. Toǵjannyń tazalyǵyn, sulýlyǵyn Aqjarqyn Ońǵarova kórsete bilse, Abaıdyń boz bala kezin Qazybek Kenjebek asha tústi. Toǵjannyń atastyrylyp qoıǵanyn estigen Abaıdyń ishine súlik bolyp jabysqan muńdy «Kózimniń qarasy» ánimen jetkizdi.
Dene shynyqtyrý birlestik muǵalimderi Qunanbaı alys-julysqa, arpalysqa ǵana emes, sózge de júırik, sheshen, tili ótkir, tıgen jerin tilip túsetindigin Aıdos Toıjan jetkize bildi. Sondaı-aq, Qunanbaıdyń qoıǵan suraqtaryna aqylmen múdirmeı jaýap bergen Abaıdy О́mirbek Nurmashev keremet etip jetkize bildi.
Al sońǵy birlestik muǵalimderi Bójeı men Abaıdyń alǵash kezdesýinen sol zamanda el men eldiń arasy birde qatý, birde tatý bolyp sultandar ózara bitim tynymǵa kele almaı aralarynda qaqtyǵys paıda bolǵanyn, Qunanbaıdan Abaı syndy uldyń bar ekendigin kórip oǵan dán rızashylyǵyn bildirip bata bergenin jetkize bildi. Bıologııa pániniń muǵalimi Egenberdıeva Asel aqynnyń «О́lse óler tabıǵat, adam ólmes» óleńin oqysa, «Kózimniń qarasy» ánin jandy daýysta tarıh pániniń muǵalimderi Erkebulan Dúısenbekov men Dılmýhanbet Sarsenov shyrqady.
Qorytyndy sózdi mektep dırektory Baıan Kııakova men osy jıynǵa arnaıy shaqyrylǵan Babaıqorǵan aýyl okrýgi ákimdiginiń klýb jetekshisi Shaýkat Rústemov qorytyndylady. Kesh Abaıdyń «Jelsiz túnde jaryq aı» ánin hormen oryndalýymen aıaqtaldy.
