Semınarǵa Qazaqstanmen isker yntymaqtastyq ornatýǵa qyzyǵýshylyq tanytqan lıtvalyq iri kompanııa ókilderi men kásipkerleri qatysty. Halyqaralyq iskerlik basqosýda Qazaqstanda bıznes salasyn retteıtin normatıvtik-quqyqtyq zańnamalardyń negizgi qaǵıdattaryn túsindirý men elimizge ınvestısııa tartý joldaryna basty ekpin qoıyldy.
Sharaǵa qatysýshylar Qazaqstanǵa ınvestısııa tartý, erkin ekonomıkalyq jáne ındýstrıaldy aımaqtar, ınvestısııalyq jeńildikter, sondaı-aq AHQO qyzmeti týraly, jańa keshendi «ekojúıe» jóninde tolyq aqparat aldy.
Salyq salasynyń sarapshysy A.Mahmetov Qazaqstanda sheteldik kompanııa ókildikterin qurý máselesi jóninde jan-jaqty keńes ótkizip (bıznesti tirkeý, shot ashý, ESQ, qyzmetti lısenzııalaý), qazaqstandyq Salyq kodeksiniń basym tustaryn atap ótti.
Budan basqa, sarapshy Qazaqstandaǵy keden rásimderi týraly baıandap, EEO elderine Qazaqstan Respýblıkasynan ónimderdi bajsyz shyǵarýdyń jáne «Qorǵas-Shyǵys qaqpasy» erkin ekonomıkalyq aımaqta jeńildikpen shekaralyq saýda júrgizý múmkindikterin atap ótti.
Semınarǵa qatysýshylar sharanyń mańyzdylyǵyn, tereń mazmuny men tıimdi sıpatyn joǵary baǵalady.
