Sport • 19 Tamyz, 2019

Elýinshi dodaǵa eýropalyqtar da qatysty

15 ret kórsetildi

«Men bul jarysqa 1987 jyly qatysqan edim. Sol kezde osyndaı bıik belesterdi baǵyndyramyn degen oı úsh uıyqtasam túsime kirmegen-di. Biraq kóp eńbektendim. Búginge deıin jetken jetistigimniń bári tynymsyz tógilgen terdiń arqasy. Sondyqtan sizderge aıtarym, alynbaıtyn qamal, baǵynbaıtyn beles joq, eńbektenińder, armandańdar, aldaryńa maqsat qoıyńdar», dedi Olımpıada chempıony, ataqty veloshabandoz Aleksandr Vınokýrov О́skemende ótken «Qazaqstan oqýshysy-2019» kópkúndik velojarysynyń jabylý saltanatynda sóılegen sózinde.

Osymen 50 márte jalaýy jelbiregen, elimizdiń túkpir-túkpirinen kelgen veloshabandozdarmen qatar О́zbekstan, Reseı jáne Monako knıazdiginen 130-ǵa jýyq sportshy qatysqan saıystyń jabylý saltanatyna velotrekten Azııa jáne Álem chempıony Alekseı Lıalko da keldi. Jeńimpazdardy aımaq basshysy Danıal Ahmetovtiń atynan quttyqtaǵan oblys ákimi apparatynyń basshysy Jasulan Sársebaev «Qazaqstan oqýshysy» básekesiniń 20-sy Shyǵys Qazaqstanda ótke­nin maq­tanyshpen atap ótip: «Olım­ıada chempıony Alek­sandr Vı­no­kýrov ta kezin­de ózderiń sııaq­ty sport­tyq man­sabyn osy velojarystan bas­taǵan bolatyn. Bul bire­geı dodaǵa qatysý arqy­ly senderdiń de tájirıbeleriń tolysyp, sheberlikteriń shyńdala túsedi. Atalmysh velojarys­qa qatysýshylardyń arasynan elimizdiń atyn álemge áıgileı­tin chempıondar shyǵatynyna seni­mimiz mol» dep jyly lebizin jetkizdi.

Sonymen tup-týra bir aptaǵa sozylǵan dúbirli dodada týmysynan shaıtan arbanyń qulaǵynda oınaıtyn eýropalyqtar aldyna jan salmaı, jalpykomandalyq esepte kósh bastady. Ekinshi hám úshinshi oryndardy Tal­ǵar (Almaty oblysy) men Shym­kent qalalarynyń komandalary ózara bólisti. «Monaco team» komandasynyń ókili Gı­ıom Brýder alty kezeńnen tu­ratyn saıystyń barlyǵynda oq bo­ıy ozyqtyǵyn dáleldep, ja­rys jeńimpazynyń sary jeı­­de­sin kıdi. Elimizdiń jas velo­sha­bandozdarynyń arasynan elor­dalyq Nurjan Hatpınniń aıaq alysy kópshiliktiń kóńilinen shyq­ty. Úzdik nátıje kórsetken ujymdar men birneshe atalymda top jarǵan veloshabandozdar uıymdastyrýshylar tarapynan, Aleksandr Vınokýrov qory atynan kýboktarmen, dıplomdarmen jáne aqshalaı syılyqtarmen marapattaldy.

 

О́SKEMEN

 

Sońǵy jańalyqtar

QHL: «Barys» «Vıtıazge» jol berdi

Hokkeı • Búgin, 19:35

«Egemenge» jazylyńyz – syılyq utyp alyńyz!

Egemen Qazaqstan • Búgin, 19:08

Kýrchatovta AES salynýy múmkin

Qazaqstan • Búgin, 18:02

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar