Maǵaýııa Sembaı eńbek jolyn 1976 jyly QazMÝ-diń jýrnalıstıka fakýltetin támámdaǵan soń, «Ortalyq Qazaqstan» gazetinen bastaǵan. Munda ol qatardaǵy tilshi qyzmetinen bastap bólim meńgerýshisi, jaýapty hatshy, bas redaktordyń birinshi orynbasaryna deıingi qyzmette eńbek etti.
Respýblıkalyq «Egemen Qazaqstan» gazetinde aǵa tilshi, Qaraǵandy oblysy boıynsha menshikti tilshi, E. Bóketov atyndaǵy QarMÝ-dyń jýrnalıstıka bólimshesinde aǵa oqytýshy qyzmetin atqarǵan.
Keıinirek 1997 jyldan bastap «Ortalyq Qazaqstan» gazetiniń bas redaktory boldy.
Jýrnalıst E.Luqpanovpen birlesip jazǵan «Jaýynger qyzdar-Boevye podrýgı» (1995), «Qolyma qalam aldym aıtamyn dep...»(2005) derekti ocherkter kitabynyń avtory.
Qazaqstan Jýrnalıster odaǵy syılyǵynyń laýreaty (1980), G. Tolmachev atyndaǵy respýblıkalyq baıqaýdyń «2009 jylǵy tańdaýly BAQ redaktory» syılyǵynyń ıegeri, Qazaqstannyń eńbek sińirgen qaıratkeri (2009). Oblystyq Máslıhattyń III jáne IV shaqyrylymynyń depýtaty (2003 jyldan). «Mádenıet qaıratkeri» belgisiniń ıegeri, sondaı-aq tórt merekelik medalmen marapattalǵan. Budan bólek Qaraǵandy oblysy ákiminiń «Altyn suńqar» syılyǵynyń arnaı júldesiniń, Prezıdent syılyǵynyń ıegeri.
