Baıtursyn Ilııas respýblıkalyq «Egemen Qazqstan» gazetiniń Qostanaı oblysyndaǵy menshikti tilshisi bolyp 33 jyl qyzmet etken bolatyn. Elimiz Táýelsizdigin alǵan jyldardan bastap, Baıtursyn aǵa alash arysy Ahmet Baıtursynuly týraly shabyttana jazdy, zerttedi. 1996 jylǵy Qostanaı memlekettik ýnıversıtetiniń rektory marqum Zulqarnaı Aldamjardyń qoldaýymen «Aqjol» tarıhı-tanymdyq ekspedısııasyn basqardy. Sol sapardan keıin Ahmettiń týǵan jeri, aınalasy, túp-tamyry týraly «Altyn besik» atty kitap jazyp shyqty. Bul ahmettaný ǵylymyna úlken úles bolyp qosyldy.
«Egemenniń» betinde Qostanaı-Torǵaı óńiriniń tynys-tirshiligi, ozyǵy men ózekti problemalary týraly Baıtursynnyń móldiregen maqalasy jaryq kórip turdy. Sonymen qatar Baıtursyn aǵaı Qostanaı óńiri úshin jýrnalıst mamandar daıyndaý isine de atsalysty. Onyń aldynan bilim alǵan qyzdar men jigitter qazir respýblıkalyq deńgeıdegi qarymdy jýrnalıster qataryn tolyqtyrdy.
Keshte Baıtursyn aǵaıdyń áriptesteri, zamandastary Ibragım Aǵytaı, aqyn Serikbaı Ospanuly, jýrnalıst Serik Shaıman, ǵalym Almas Ábsadyq, aqyn Naǵashybaı Muqatov, Ǵaınıjamal Berdalınova jáne taǵy basqalary estelikter aıtty.
Kesh sońynda «Biz biletin Bákeń» atty estelik kitaptyń tusaýkeseri jasaldy.
Qostanaı
