Aımaqtar • 20 Qańtar, 2020

Sabannan jasalǵan qalashyq

18 ret kórsetildi

Jańa jyl qarsańynda Qarasý aýdanynyń Jalǵyzhan eldi mekeninde este qalarlyq erekshe músinder qoıyldy.

Bul – jergilikti kásipker Vladımır Jýrjanyń bastamasymen sabannan jasalǵan jańajyldyq týyndy. Ideıa avtory kádimgi oramdalǵan shóp­ter­den shyrsha, jyl sımvoly – tyshqannan bastap, onyń otbasy, Aıaz ata men Aq­shaqar, otarba, ertegiler keıipkerleri, bósh­keler ornatyp, aýyl-aımaqty tańdaı qaqty­ryp otyr. Tabıǵı materıaldan istelgen olar sáı­kesinshe bezendirilgen.

Iri agroónerkásip jetekshisi V.Jýrja mundaı sırek kezde­setin lend-art týyndylardy Ýkraına men Belarýs elde­rinde saıahattap júrgen jerinen kóripti. 

– Aýylymyzdyń erekshe keıipke enip, túrli ertegi ke­ıip­kerleriniń bolǵanyn qala­dym. Negizi saban qalashy­ǵyn «LandshtaftStroı» serik­testigine kúzde jasatqym kelgen. Biraq bul jańa jyl qarsańynda turǵyndar úshin tamasha tartý bolyp otyr. Jalǵyzhannyń ortalyq kúre kóshelerine túngi shamdar tarttyq. Al músinderdiń mańaıyna dıod­ty, dıýraldi jaryqtar ornatyldy. Sham ilingen baǵandardy túrli tústermen boıap, aınalmaly otshashýlar, jalaýshalar ildik. Qarapaıym shópten jasalǵan mundaı músinder qarańǵyda jar­qyrap, qulpyryp turady, – deıdi ıdeıa avtory.

Mesenattyń aýyldastaryna jasaǵan bul bazarlyǵyna bas-aıaǵy 1 mıllıon teńge qarajat jumsalǵan. Alaıda, kásipker bul qarjy halyqtyń merekelik kóńil kúıin kóterýge jarap jatsa, budan asqan baqyt joq ekenin jetkizdi.

Qazir tańǵajaıypqa toly saban qalashyq jergilikti tur­ǵyndar men qonaqtar qy­zyq­­tap, sýretke túsetin orynǵa aınal­dy. Tipti bul kórinis Ulys­tyń uly kúni – áz-Naýryzǵa deıin saqtalyp, saban shyrsha – kıiz úıge, Aıaz ata men Aqshaqar – Qydyr ata men Qojanasyrǵa aı­nalyp jatsa artyq emes.

 

Qydyrbek Qıyshanuly

 

Qostanaı oblysy

 

Sońǵy jańalyqtar

Uqsas jańalyqtar