Qazaqstan • 06 Naýryz, 2020

Almatyda qarjy naryǵy top-menedjerleriniń sammıti ótti

51 ret kórsetildi

Almatyda qarjy naryǵy top-menedjerleriniń VII CFO IDEA EXCHANGE & NETWORKING EVENT-2020 jyl saıynǵy sammıti ótti. CFO Summit-2020 óz alańynda belgili qarjygerler men saıasatkerlerdiń, iri otandyq jáne halyqaralyq kompanııalardyń jetekshi sarapshylary men menedjerlerin toǵystyrdy.

Sammıt aıasynda Qazaqstan Respýblıkasy qarjy júıesin damytý keleshegi, sońǵy ózgerister, trendter men ınnovasııalar, sondaı-aq, álemdik ekonomıkanyń ózekti máseleleri qozǵaldy.

Qarjylyq qyzmetterdi kórsetetin uıymdardyń aldaǵy on jylda tabysqa jetýi olardyń zamanaýı ınnovasııalyq tehnologııalar kómegimen «qarapaıym bıznesti» qanshalyqty tıimdi túrde jańǵyrta bilýine táýeldi bolmaq.

Eń qyzý pikirtalasqa almasýǵa túrtki bolǵan  «ERP bolashaǵy» paneldik otyrysynda ERP júıesiniń (kompanııa qorlaryn basqarý júıesi) utymdy jáne tıimsiz tustary keńinen talqylandy. Atalmysh júıeni tabysty túrde qoldanǵan kezde bıznesti basqarý tıimdiligi artyp, onyń básekege qabilettiligi joǵarylaıdy.

Sammıt kezinde spıkerlerdiń biri retinde Maıkrosoft Qazaqstan bas dırektory Tıbor Koleıak sóz sóıledi.

О́ziniń tanystyrylymynda ol Maıkrosofttyń jasandy ıntellektisiniń kómegimen bıznestiń qalaı túbegeıli ózgeristen ótip jatqandyǵyn kórneki túrde kórsetip, derekterdi basqarý jáne kompanııanyń qyzmeti men tıimdiligin jaqsartý úshin osy derekterdi taldaý nátıjelerin ary qaraı qoldaný máselesin tereńirek ashyp berdi.

«Jasandy ıntellektiniń maqsaty bankırlerdiń ornyn aýystyrý emes, ol bankterdiń jyldam qyzmet etip, derekterge negizdelgen syndarly sheshimderdi qabyldaýyna kómektesý arqyly bankterdiń jumysyn ońtaılandyratyn bolady. Maıkrosoft qaýipsizdikke, aıqyndylyqqa jáne normatıvtik talaptardyń saqtalýyna ınvestısııa quıady. Bul qarjy sektorynyń oıynshylaryna búkil álem boıynsha bıznes júrgizý kezinde jańa sheshimderdi qyzmetke endirip, osylaısha básekege qabilettiligin saqtaýǵa jaǵdaı jasaıdy», – dedi Maıkrosoft Qazaqstan bas dırektory Tıbor Koleıak.

Qazirgi tańda jasandy ıntellekt tehnologııalary qarjy sektoryn sıfrlik turǵyda jańǵyrtýda úlken ról oınaıdy. Zamanaýı ınnovasııalar kompanııalarǵa jańa ekojúıe aıasynda órkendep, básekege qabiletti bolyp qalýǵa kómektesedi, al zııatkerlik agentterdi, zamanaýı qosymshalar men mashınalyq oqytýdy úılestirý arqasynda bankter derekterdi pármendi ıdeıalarǵa aınaldyra alady. Jasandy ıntellekt arqyly túsýi múmkin dep boljanǵan qosymsha tabys1,2 trıllıon dollarǵa deıin jetpek.

Klıenttermen jumys júrgizýdiń dástúrli tásildemeleri klıentterdiń bank qyzmetterine degen qyzyǵýshylyǵyn báseńdetip, baılanys úzýine ákelip soqty. Maıkrosoftyń qarjylyq uıymdarǵa usynyp otyrǵan ártúrli qosymshalary klıentterge yńǵaıly ýaqytta jáne durys kommýnıkasııa arnasy arqyly olardyń jeke qajettilikterine saı keletin ónimder men qyzmetterdi usyna otyryp, qyzmet kórsetý sapasyn aıtarlyqtaı jaqsartýǵa múmkindik beredi.

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar