2013 jylǵy 8 mamyr, Astana, Úkimet Úıi
«Mámileler monıtorıngi boıynsha eseptilik nysandaryn jáne Mámileler monıtorıngin júzege asyrý qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 11 qarashadaǵy № 1324 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Mámileler monıtorıngi boıynsha eseptilik nysandaryn jáne Mámileler monıtorıngin júzege asyrý qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 11 qarashadaǵy № 1324 qaýlysyna (Qazaqstan Respýblıkasynyń PÚAJ-y, 2012 j., № 2, 32-qujat) mynadaı ózgerister men tolyqtyrýlar engizilsin:
kórsetilgen qaýlymen bekitilgen Mámileler monıtorıngin júzege asyrý qaǵıdalarynda:
3, 4 jáne 5-tarmaqtar mynadaı redaksııada jazylsyn:
«3. Halyqaralyq iskerlik operasııalary mámileler monıtorıngine jatatyn taýarlar (jumystar, qyzmetter) boıynsha mámilelerge qatysýshylar «Taýarlar (jumystar, qyzmetter) eksporty» jáne «Taýarlar (jumystar, qyzmetter) ımporty» mámileler monıtorıngi boıynsha eseptilik nysandaryn (budan ári – mámileler monıtorıngi boıynsha eseptilik nysandary) osy Qaǵıdalarǵa sáıkes Qazaqstan Respýblıkasy Qarjy mınıstrliginiń Salyq komıtetine (budan ári - Salyq komıteti) esepti jyldan keıingi jyldyń 15 mamyrynan keshiktirmeı tabys etedi. Kúntizbelik bir jyl esepti kezeń bolyp tabylady.
4. Mámileler monıtorıngi boıynsha toltyrylǵan eseptilik nysandary Salyq komıtetine salyq eseptiligin salyq qyzmeti organdarynyń qabyldaý jáne óńdeý júıesi arqyly – aqparatty kompıýterlik óńdeýge jol beretin elektrondyq túrde tabys etiledi.
Mámileler monıtorıngi boıynsha eseptilik nysandary elektrondyq sıfrlyq qoltańbamen kýálandyrylýǵa tıis.
Qaǵıdalardyń osy tarmaǵynda belgilengen tártippen jiberiletin habarlamada kórsetilgen salyq qyzmeti organdarynyń salyq eseptiligin qabyldaý jáne óńdeý júıesiniń ortalyq toraby qabyldaǵan kún Salyq komıtetine mámileler monıtorıngi boıynsha eseptilik nysandarynyń elektrondy túrde tabys etilgen kúni bolyp tabylady.
Salyq komıtetine mámileler monıtorıngi boıynsha eseptilik nysandaryn tapsyrý úshin osy Qaǵıdalarda belgilengen merzimniń sońǵy kúniniń jıyrma tórt saǵatyna deıin salyq qyzmeti organdarynyń salyq eseptiligin qabyldaý jáne óńdeý júıesi arqyly tabys etilgen mámileler monıtorıngi boıynsha eseptilik nysandary merziminde tabys etildi dep esepteledi.
Mámileler monıtorıngi boıynsha eseptilik nysandary elektrondy túrde tabys etilgen kezde Salyq komıteti salyq qyzmeti organdarynyń salyq eseptiligin qabyldaý jáne óndeý júıesi qabyldaǵan kezden bastap eki jumys kúninen keshiktirmeı mámilege qatysýshyǵa kórsetilgen júıeniń mámileler monıtorıngi boıynsha eseptilik nysandaryn qabyldaǵany nemese qabyldamaǵany týraly habarlama jiberedi.
Mámileler monıtorıngi boıynsha eseptilik nysandary, eger:
1) osy Qaǵıdalarda belgilengen nysandarǵa sáıkes kelmese nemese
2) salyq qyzmeti organynyń kody kórsetilmese nemese durys kórsetilmese, nemese
3) sáıkestendirý nómiri kórsetilmese nemese durys kórsetilmese nemese
4) salyq kezeńi kórsetilmese nemese
5) elektrondyq sıfrlyq qoltańbasy bolmasa nemese durys emes bolsa nemese
6) osy Qaǵıdalardyń 10 jáne 11-tarmaqtarynyń elý birinshi bóliginiń talaptary buzylsa nemese
7) mámileler monıtorıngi boıynsha eseptilik nysandarynyń elektrondyq format qurylymy buzylsa, Salyq komıtetine tabys etilmegen dep esepteledi.
Salyq qyzmeti organdarynyń baǵdarlamalyq qamtamasyz etiliminde elektrondyq túrdegi mámileler monıtorıngi boıynsha eseptilik nysandaryn ýaqtyly tabys etýge áser etetin tehnıkalyq qateler anyqtalǵan jaǵdaıda, Salyq komıteti mámileler monıtorıngi boıynsha eseptilik nysandaryn tabys etý merzimin osyndaı eseptilik nysandaryn tabys etý úshin belgilengen merzimnen bastap alty aıdan aspaıtyn kezeńge uzartady.
5. Osy Qaǵıdalardyń 2-tarmaǵynda aıqyndalǵan mámilelerge qatysýshylarda esepti kezeńde halyqaralyq iskerlik operasııalar bolmaǵanda mundaı mámilelerge qatysýshylar mámileler monıtorıngi boıynsha eseptilik nysandaryn Salyq komıtetine tabys etpeıdi.»;
9-tarmaq mynadaı redaksııada jazylsyn:
«9. Mámileler monıtorıngi boıynsha eseptilik nysandaryna ózgerister jáne (nemese) tolyqtyrýlar engizý osy ózgerister men tolyqtyrýlar jatatyn salyq kezeńi úshin mámileler monıtorıngi boıynsha qosymsha eseptilik nysandaryn tabys etý jolymen júrgiziledi.
Mámileler monıtorıngi boıynsha qosymsha eseptili
