Almatydaǵy «Alataý» ınnovasııalyq-tehnologııalar parkiniń aýmaǵynda «Global Grın Indastrıs» kompanııasynyń mamandary ósimdikti avtomatty túrde sýaratyn jańa qurylǵy oılap tapty.
Jańa qurylǵynyń ereksheligin «Global Grın Indastrıs» kompanııasynyń bas dırektory Larısa Shevchenko aıtyp berdi. «Bizdiń kompanııa mamandary jasap shyǵarǵan sý quraly ishinde elektrondy tenzıometr bar. Ol 15 santımetrlik tereńdikke ornatylady. Onyń bireýi 1 gektar jerdi sýarady. Bul jańa qural astmatıkalyq qysym negizinde jumys istep, topyraqqa sýdyń jiberilý jyldamdyǵyn esepteıdi ári avtomatty túrde toqtaıdy. Sondaı-aq, munymen bıdaı jáne jemis aǵashtaryn da sýarýǵa bolady», – dedi ol.
Shetel kompanııasynyń qyzmetkerleri osy quraldy álemdik naryqqa shyǵarý týraly usynys aıtqan eken. Ázirge ony oılastyryp shyǵarǵan elimiz mamandary naqty sheshimge kelgen joq.
Danııar TÚIMEBAI.
