– Qalalyq emhanalar óz jumysyn shtattyq rejımde jalǵastyryp otyr.
Emhana dárigerleriniń josparly qabyldaýy men konsýltasııalary barynsha qashyqtyqtan qyzmet kórsetý formatyna aýystyryldy. Josparly medısınalyq qyzmetter (josparly emdeýge jatqyzý, profılaktıkalyq tekserýler, skrınıngter, ońaltý) shektelgen.
Júkti áıelder, balalar jáne kidirissiz medısınalyq kómekke muqtaj pasıentter jazbasyz qabyldanyp otyr. Emhanalarda atalǵan sanattaǵy tulǵalarǵa medısınalyq maskalar tegin berilýde.
Aldyn ala egýdi qospaǵanda, bosandyrý uıymdarynda (BSJ jáne VGV) jańa týǵan nárestelerge profılaktıkalyq egýdi júrgizý erekshe ókim shyǵarylǵanǵa deıin toqtatyldy.
Turǵyndar arasynda respıratorlyq aýrýlardyń alǵashqy belgileri týraly jáne oǵan shuǵyl kórsetýsiz emhanaǵa barmaý múmkindigi týraly túsindirý jumystary júrgizilip jatyr.
Jiti jaǵdaıda pasıentter dárigerdi úıge shaqyra alady nemese alǵashqy medısınalyq kómek kórsetý úshin barlyq qajettiliktermen jabdyqtalǵan emhana janyndaǵy súzgi-kabınetterine júgine alady.
Tegin ambýlatorııalyq dárilik qamtamasyz etý sheńberinde pasıentterge úıge resepterdi onlaın-berý nemese jetkizý uıymdastyryldy.
65 jastan asqan adamdarǵa kórsetkishteri boıynsha zerthanalyq taldaý úıde júrgiziledi. Medısınalyq qyzmetkerler táýekel tobyna kiretin qart adamdarǵa kóshpeli tekserýler júrgizedi.
Psıhologtar qart adamdardyń úılerine barýda, úıde bolý, qarym-qatynasty shekteý, barlyq saqtyq sharalaryn saqtaý qajettiligi týraly túsindirý jumystaryn júrgizip otyr, – Ásel Bısenbaeva.
