Oǵan qosa, jańadan anyqtalǵan 6 oqıǵa burynǵy juqtyrǵandarmen baılanysta bolǵandar.
Qazirgi ýaqytta qalanyń juqpaly aýrýlar stasıonarlarynda COVID-19 dıagnozy bar 96 pasıent bar, onyń ishinde bir áıel adam Almaty oblysynyń turǵyny.
79 naýqastyń jaı-kúıi – qanaǵattanarlyq. 2 eresek adamnyń jaı-kúıi – óte aýyr, 2 adamda – aýyr, 13 eresek adamnyń jaı-kúıi – ortasha.
Búgin koronavırýstyq ınfeksııadan saýyǵyp qalǵan taǵy eki pasıent aýrýhanadan shyǵaryldy. Bul 1997 jáne 1998 jylǵy qyzdar. Olardyń biri 15 naýryzda Ystambul-Almaty reısimen ushyp kelgen, ekinshisi buǵan deıin anyqtalǵan naýqaspen baılanysta bolǵan.
Búgingi kúni megapolıste jalpy 21 pasıent saýyǵyp jazyldy, onyń ishinde 2-ýi – bala. Olardyń barlyǵy 14 kúndik úı karantıninde.
Qazirgi ýaqytta provızor ortalyqtarynda 521 adam bar, onyń ishinde 79-y – bala. Eki kúndik karantınde – 390 adam (48 bala), úı karantıninde – 4805 adam otyr.
ALMATY
