Osyǵan baılanysty, Qazaqstannyń Ulttyq Bankiniń 6 sáýirden bastap bazalyq mólsherlemeni 12 paıyzdan 9,5 paıyzǵa deıin tómendetý týraly kezekten tys sheshiminen soń, QDKBQ merzimsiz jáne qysqa merzimdi depozıtter boıynsha eń joǵary syıaqy mólsherlemelerin tómendetti. Bul 2020 jyldyń 1 mamyrynan bastap qoldanysqa engiziledi.
QDKBQ Ádistemesine sáıkes bazalyq mólsherlemeniń ózgerýi tek mamyr aıyna arnalǵan eń joǵary mólsherlemelerge ǵana áser etti. Al sáýir aıynyń mólsherlemeleri ózgergen joq.
Bul rette qysqa merzimdi salymdar tabystylyǵynyń kúrt tómendeýine jol bermes úshin jáne jaqyn keleshekte depozıtterdiń osy toby boıynsha mólsherlemeler birtindep tómendeıtindikten,Qor tómendetilgen bazalyq mólsherlemege qatysty spredti kóterdi.Buǵan deıingi eń joǵary mólsherlemeler naýryz ben sáýirde bazalyq mólsherlemeniń óskendigin eskere otyryp bekitilgen bolatyn. Eń joǵary mólsherlemelerdi ózgertý álemdik jáne ishki naryqta qalyptasqan jaǵdaıǵa baılanysty salymshylardyń múddelerin qorǵaý úshin der kezinde qabyldanǵan shara boldy.
Sonymen teńgedegi merzimsiz salymdar boıynsha eń joǵary syıaqy mólsherlemesi –- 12 paıyz. Tolyqtyrýǵa bolatyn, 3 jáne 6 aılyq merzimdi salymdar boıynsha mólsherlemeler – 12 paıyzdy, al tolyqtyrylmaıtyn túri boıynsha – 12,5 paıyzdy qurady. Osy merzimderge arnalǵan, tolyqtyrylatyn jınaq depozıtter boıynsha mólsherlemeler – 13 paıyz, al tolyqtyrylymaıtyn túri boıynsha – 13,5 paıyz. Jańartylǵan mólsherlemeler salymdardy saralaý, ıaǵnı jikteý qaǵıdasyna tolyǵymen jaýap beredi – tolyqtyrýǵa bolatyn, qysqa merzimge arnalǵan depozıtter boıynsha mólsherlemeler osy salymdardyń tolyqtyrylmaıtyn túri boıynsha mólsherlemelerden 0,5 paıyzdyq tarmaqqa tómen.
Tolyqtyrylmaıtyn jınaq depozıtterdi qospaǵanda uzaq merzimdi salymdar boıynsha 2020 jyldyń mamyryna belgilengen mólsherlemeler ózgergen joq. Al tolyqtyrylmaıtyn jınaq depozıtterdiń mólsherlemeleri – 14,7 jáne 14,8 paıyzǵa deıin tómendetildi. Bul rette olar mólsherlemeleri qaıta qaralǵan qysqa merzimdi depozıttermen salystyrǵanda tartymdy bolyp qala bermek. О́ıtkeni joǵary tabystylyqty qamtamasyz etedi.
|
|
Tolyqtyrylatyn depozıtter boıynsha, % |
Tolyqtyrylmaıtyn depozıtter boıynsha, % |
||
|
2020j. sáýiri |
2020j. mamyry |
2020j. sáýiri |
2020j. mamyry |
|
|
Merzimsiz depozıtter |
12,5 |
12,0 ▼ |
12,5 |
12,0 ▼ |
|
Merzimdi depozıtter |
||||
|
3 aı |
13,0 |
12,0 ▼ |
13,0 |
12,5 ▼ |
|
6 aı |
13,0 |
12,0▼ |
13,0 |
12,5 ▼ |
|
12 aı |
10,7 |
10,7 |
12,2 |
12,2 |
|
24 aı |
10,8 |
10,8 |
12,9 |
12,9 |
|
Jınaq depozıtter |
||||
|
3 aı |
13,0 |
13,0 |
14,0 |
13,5 ▼ |
|
6 aı |
13,4 |
13,0 ▼ |
14,0 |
13,5 ▼ |
|
12 aı |
13,0 |
13,0 |
15,1 |
14,7 ▼ |
|
24 aı |
12,6 |
12,6 |
15,5 |
14,8 ▼ |
ALMATY
