Onyń «Moskva» dep atalý sebebi – Uly Otan soǵysy kezinde Máskeýden Aqtóbege kóshirilgen qorǵanystyq jáne azamattyq zaýyttardyń jumysshylary dál osy jerden qonys teýipti. Sodan bul aýmaq Reseı astanasynyń ataýyn ıelenip ketken eken. Já, bul aradaǵy basty gáp, onyń qalaı atalýynda emes, óńkeı surǵylt, alasa eski tamdar men úılerdiń kózge shyqqan súıeldeı bop turǵanynda emes pe? Qystyń kóktemge ulasar kezinde «Moskvany» sý basyp ketetinin de aqtóbelikter jyr qylyp aıtady.
Búginde bul sektor aýmaǵynda 1400 jeke turǵyn úı bar. Onyń kóbisiniń tozyǵy jetken, kópshiligine kúrdeli jóndeý qajet. Endeshe bul baspanalar bolashaqta da dál osy azyp-tozǵan kúıinde tura bere me, joq pa? Ras, buǵan deıin «Aktıýbgrajdanproekt» óńdiristik kooperatıvi jobalar men syzbalardy jasap kórgen. Biraq onyń bári júzege aspaı, sol jobalanǵan, syzylǵan kúıinde aıaqsyz qalyp qoıypty. Biz osy maqalany gazetke daıyndaý barysynda aqtóbelik sáýletshiler budan birneshe jyl buryn bul úılerdiń 800-in túgeldeı buzyp, syryp tastaý jóninde uıǵarymǵa kelgenin bildik. Al 600-in jeke ınvestısııanyń kómegimen qaıta jańǵyrtý jóninde jospar jasalǵan eken. Deı tursaq ta úıleri kúresinge ketken turǵyndardyń qaıda turyp, panalaıtyny jónindegi másele tolyq sheshimin tappaǵandyqtan onyń bári bos sóz bolyp qalǵan sııaqty.
Mundaı shyǵyn jergilikti turmaq, respýblıkalyq bıýdjettiń ózine ájeptáýir aýyrlyq túsiredi. Budan shyǵatyn bir ǵana jol bar. Bul osy iske ınvestısııa tartý. Aqtóbe oblysy ınvestısııa tartýdan respýblıka boıynsha alda kele jatqan óńir. О́tken jyly óńir ekonomıkasyna 850 mıllıard teńgege jýyq ınvestısııalyq qarajat quıyldy. Endeshe ınvestısııanyń kómegimen «Moskvany» qalanyń ásem ortalyǵyna aınaldyrýdyń múmkindigi bar. Iаǵnı bul sáni men sáýleti kelisken, jańa kópqabatty turǵyn úıleri men áleýmettik-turmystyq nysandary bar ádemi ortalyq bolmaq.
Iá, «Aktıýbgrajdanproekt» óńdiristik kooperatıviniń tóraǵasy Áýbákir Ájiǵalıevtiń málimdeýinshe, «Moskvadaǵy» basty maqsat – bul aýdandy zamanaýı ortalyqqa aınaldyrý. Alaıda bul sektordaǵy ınjenerlik-kommýnıkasııalyq jelilerdiń tolyqtaı shirip ketýi biraz qolbaılaý bolatyn sııaqty. Sondyqtan ınjenerlik jelilerdi túgeldeı aýystyrý qajet. Sondaı-aq jalpy qurylystyń keshendi jobasy jasalyp, onyń tehnıkalyq-ekonomıkalyq negizdemesi bekitilýi kerek. Oǵan magıstraldyq jeliler men negizgi joldardy keńeıtý isi de engizilgeni jón. Tek sodan keıin ǵana úılerdi buzý men alyp tastaý jónindegi máseleni oılastyryp kórýge bolar edi deıdi sáýletshi mamandar.
Endeshe «Moskva» jeke turǵyn úı sektory zamanaýı ortalyqqa aınala ala ma? Buǵan qarjylandyrýdan bólek janashyrlyq nıet te aýadaı qajet bolyp tur.
AQTО́BE
