Búgingi tańda Almatyda 589 177 adam zeınetaqy men járdemaqy alatyn bolsa, sáýir aıynan bastap áleýmettik kómektiń bul sanaty 10 paıyzǵa ósti.
– О́zderińiz bilesizder, bıyl 1 qańtar aıynan bastap barlyq áleýmettik kómek túrleri 5 paıyzǵa ósti. Endi onyń kólemi taǵy da 5 paıyzǵa ulǵaıyp otyr. Nátıjesinde mamyr aıynan bastap zeınetkerler 10 paıyzǵa ósken zeınetaqylaryn ala bastaıdy. Búgingi tańda Almatyda 230 myń zeınetker bar. Zeınetkerler de járdemaqy alatyndar da túgel tizimde tur. Bul azamattarǵa jańa zeınetaqylaryn alý úshin bólimshelerge baryp, basqa da áreketter jasaýdyń qajeti joq Bári avtomatty túrde júzege asady, – dedi Aıdynjan Narmatov.
Sondaı-aq Eńbek, áleýmettik qorǵaý jáne kóshi-qon komıtetiniń Almaty qalalyq departamentiniń basshysy tótenshe jaǵdaı kezinde múgedektik boıynsha alatyn járdemaqy men eńbekke jaramsyzdyqty rásimdeý joldaryn túsindirip ótti.
ALMATY
