QazUÝ-dyń «Jańa hımııalyq tehnologııalar jáne materıaldar» ǴZI ǵalymdary Japonııadaǵy Saıtama ýnıversıtetindegi áriptesterimen birlese otyryp, jańa tıimdi dezınfeksııalyq quraldar men teri antıseptıkterin jasaý tehnologııasyn ázirledi.
Elimizdiń medısınalyq mekemelerinde júrgizilgen aldyn-ala synaqtar ázirlengen quramdardyń joǵary tıimdiligin kórsetip, oń pikirler alyndy.
Mysaly, birlesken jumys barysynda hırýrgtar men medısınalyq qyzmetkerlerdiń qoldaryn, sondaı-aq operasııalyq jáne ıneksııalyq alańdy óńdeýge arnalǵan teri antıseptıgi ázirlendi. Onyń tıimdiligi M. Aıqymbaev atyndaǵy Ulttyq asa qaýipti ınfeksııalar ǵylymı ortalyǵynyń akkredıttelgen zerthanasynyń qorytyndysymen rastaldy.
Búginde QazUÝ ǵalymdary Qazaqstanda ósetin ósimdik ekstraktilerin dezınfeksııalaý quraldary men teri antıseptıkteriniń quramynda paıdalaný boıynsha zertteýler júrgizýde. Hımııalyq komponentterdi ósimdik syǵyndylaryna ishinara aýystyrý tıimdi jáne qoldanýǵa yńǵaıly jańa preparattardy shyǵarýǵa múmkindik beredi.
ALMATY
