Kópti kórgen keıýana aýdan basshysynyń arnaıy ýaqyt bólip kelgeni úshin analyq alǵysyn bildirip, aq batasyn berdi. Basynan nebir qıyn-qystaý shaqty ótkizgen qart ananyń aıtýynsha, ol sol kezdegi Kogonovıch orta mektebin bitiredi. Alaıda onyń jastyq shaǵy Uly Otan soǵysy jyldaryna sáıkes keledi. Anasy Aqboryqpen birge sol kezdegi Uıym kolhozynyń sharýashylyq jumystaryna da belsene aralasady. Sol jyldardaǵy eńbegi elenip 15 jasynda arnaıy Oraq - balǵa medalimen marapattalady. Al, mektep bitirgen soń Uıym kolhozynda kitaphanashy, «Qyzyl otaý» jumystarynyń saıası aǵartý jumystaryna aralasady. 1954 jyly joldasy Qońyr Aqbetovpen otaý quryp, 7 ul-qyz tárbıelep ósirdi.
Búginde barlyǵyna da joǵary bilim berip, ulyn uıaǵa, qyzyn qııaǵa qondyryp otyrǵan baqytty ananyń joldasy Qońyr Aqbetov te Uly Otan soǵysy jyldarynda Mońǵolııa jerindegi Holhın-gol áskerı urystaryna qatysqan eken. Soǵys kezinde Japonııany jeńgeni úshin «Za pobedý nad Iаponıı» medalimen marapattalǵan.
Soǵystan keıingi jyldary Baıqadam sovhozynda mal dárigeri bolyp eńbek etipti.
Sádiken apanyń da uzaq jylǵy eńbegi elenip, ol ár jyldary «Uly jeńistiń 30 jyldyǵy», «Uly jeńistiń 40 jyldyǵy», «Uly jeńistiń 50 jyldyǵy», «Uly jeńistiń 60 jyldyǵy», «Uly jeńistiń 70 jyldyǵy» medaldarymen qatar «Altyn alqa» medalimen de marapattalady. Sádiken apamyz búgingi jastarǵa árdaıym eńbekqor ári tárbıeli bolýdy ósıet etedi.
Qazirgi kezde Sádiken apa 15 nemere, 20 shóbere súıip otyrǵan baqytty áje. Ol bolashaqta tek jaqsylyq bolýyn, eshqandaı soǵystyń bolmaýyn tileıdi.
Jambyl oblysy
